Сборник молитв и песнопений паломника по святому Афону

Все монастыри Святой Горы являются общежительными. Всего на Афоне проживает около 1500 монахов, включая келлиотов и скитских насельников. Афонские монастыри имеют несколько подворий за пределами Святой Горы.

В сборнике приводятся краткие исторические справки об афонских монастырях, которые перечислены в соответствии с их иерархией.

Среди многочисленных святынь монастырей указаны самые значимые и собраны молитвы святым.

Прилагается телефонный справочник и краткий разговорник.


Монастыри Афона


Каждый из 20 монастырей имеет статус патриаршей ставропигии. Со статусом монастыря на Афоне сопряжены исключительные имущественно-правовые привилегии. Создание новых монастырей запрещено.

«Правящие» монастыри в порядке официальной святогорской иерархии:

1. Великая Лавра (греч. Μεγίστη Λαύρα)

2. Ватопед (греч. Βατοπέδι или Βατοπαίδι)

3. Иверский (греч. Ιβήρων; ივერთა მონასტერი)

4. Хиландар (греч. Χιλανδαρίου), сербский

5. Дионисиат (Неа Петра) (греч. Διονυσίου)

6. Кутлумуш (греч. Κουτλουμούσιου)

7. Пантократор (греч. Παντοκράτορος)

8. Ксиропотам (греч. Ξηροποτάμου)

9. Зограф (греч. Ζωγράφου), болгарский

10. Дохиар (греч. Δοχειαρίου)

11. Каракал (греч. Καρακάλλου)

12. Филофей (греч. Φιλοθέου)

13. Симонопетра (греч. Σίμωνος Πέτρα, Σιμωνόπετρα)

14. Святого Павла (греч. Αγίου Παύλου)

15. Ставроникита (греч. Σταυρονικήτα)

16. Ксенофонт (греч. Ξενοφώντος)

17. Григориат (греч. Γρηγορίου)

18. Эсфигмен (греч. Εσφιγμένου)

19. Свято-Пантелеимонов (греч. Αγίου Παντελεήμονος или Ρώσικο), русский

20. Констамонит (греч. Κωνσταμονίτου)


Карта Святой Горы Афон


afon_


1. Лавра Святого Афанасия или Великая Лавра (греч. Ιερά Μονή Μεγίστης Λαύρας.) 


Первенствующий монастырь на Святой Горе Афон. Находится на небольшом плато на юго-востоке полуострова в получасе пути пешком от моря.

Престольный праздник — 5 июля (по юлианскому календарю), в день преподобного Афанасия Афонского.

Лавра основана в 963 году св. Афанасием Афонским, выходцем из Каппадокии, который привнёс в пещерное и отшельническое монашество систему общежития (киновии), которая впоследствии стала преимущественным монашеским образом жизни как на Афоне, так и иных монастырях на востоке.

В Лавре находится Соборный храм (кафоликон) в честь Благовещения (X век) с фресками XVI века работы Феофана Критского. Кафоликон имеет два придела. Северный посвящён сорока Севастийским мученикам, а южный — святителю Николаю Мирликийскому. В северном приделе расположена гробница преподобного Афанасия, день памяти которого — особо почитаемый праздник Лавры.

Святыни монастыря

Крест и жезл св. Афанасия

Две чудотворные иконы: «Экономисса» (поставлена в память явления св. Афанасию Богоматери на месте, где находится живоносный источник) и «Кукузелисса», находящаяся в церкви Введения во храм Пресвятой Богородицы

Части животворящего древа Креста Господня в драгоценных оправах

Мощи св. Василия Великого, св. Михаила Синадского, св. апостола Андрея Первозванного, св. Ефрема Сирина и многих других святых

Молитвы

Преподобный Афанасий Афонский, игумен

Тропарь, глас 3

Еже во плоти житию твоему/ удивишася ангельстии чини:/ како с телом к невидимым сплетением изшел еси, приснославне,/ и уязвил еси демонские полки./ Отонудуже, Афанасие,/ Христос тебе воздаде богатыми дарованьми,/ сего ради, отче, моли/ спастися душам нашим.

Кондак, глас 8

Яко невещественных существ зрителя изрядна/ и деятельна сказателя всеистинна,/ взывает тя стадо твое, Богоглагольниче:/ не оскудей, моля о рабех твоих,/ избавитися напастей и обхождений, вопиющим ти:/ радуйся, отче Афанасие.

Молитва

Преподобне отче Афанасие, изрядный угодниче Христов и великий Афонский чудотворче! Во дни земнаго жития твоего многия на путь правый наставивый и в Царствие Небесное мудре руководивый, скорбныя утешивый, падающим подавый руку помощи и всем любезен, милостив и сострадателен отец бывый, ты ныне, в Небесней пребывая светлости, наипаче умножавши любовь твою к нам, немощным, в мори житейстем различие бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити, да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне, и присно, и во веки веков. Аминь.


Икона Богородицы «Экономисса» («Домостроительница»)

Тропарь, глас 4

Предстательство страшное и непостыдное, не презри, Благая, молитв наших, Всепетая Богородице, Милостивая верных Домостроительнице, утверди православных жительство, спаси страну нашу и всех православно живущих в ней защити, зане родила еси Бога, Едина Благословенная.

Молитва

О Пречистая Владычице Богородице, Всечестнейшая наша Мати Игумение всех православных святых обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства не возможем окаяннии совершити своего спасения, яко окаляхом житие наше в суетах мирских, ибо время приближися жатвы Христовы и день Страшнаго Суда приспе. Мы же, окаяннии, погибаем в бездне греховней нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским человеком, еже и сбысться днесь, ибо последнее иночество наше плавает житием своим в мори житейском, посреде великия бури и непогоды, ибо наша святыя обители во прасе пребывают, грехов бо ради наших всеправедный Судия Господь наш Иисус Христос тако благоволи, мы же, недостойнии, не имамы, где главы подклонити.

О сладчайшая наша Мати Игумение! Собери ны, разсеянное стадо Христово, воедино и спаси православное монашество последняго века сего, и всех православных христиан сподоби райския жизни со ангелы и всеми святыми во Царствии Христа Бога нашего, Ему же честь и слава, со Безначальным Его Отцем и со Пресвятым, Благим и Животворящим Его Духом во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Святитель Василий Великий, Кесарийский (Каппадокийский), архиепископ

Тропарь, глас 1

Во всю землю изыде вещание твое,/ яко приемшую слово твое,/ имже боголепно научил еси,/ естество сущих уяснил еси,/ человеческия обычаи украсил еси,/ царское священие, отче преподобне,/ моли Христа Бога// спастися душам нашим.

Кондак, глас 4

Явился еси основание непоколебимое Церкве,/ подая всем некрадомое господьство человеком,/ запечатлея твоими веленьми,// небоявленне Василие преподобне.

Молитва

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.


Святитель Михаил Синадский (Фригийский), епископ

Кондак, глас 8

Яко архиерей всечестен, и благочестия священнострадалец, прещения злоименитаго не убоявся, еретическое того противление победил еси, свободным гласом велегласно вопия: иконе покланяюся Христове, и Пречистыя Того Матере. Сего ради тя почитаем Михаиле.


Апостол Андрей Первозванный

Тропарь, глас 4

Яко апостолов первозванный/ и верховнаго сущий брат,/ Владыце всех, Андрее, молися/ мир вселенней даровати// и душам нашим велию милость.

Кондак, глас 2

Мужества тезоименитаго Богоглагольника/ и Церкве возследователя верховнаго,/ Петрова сродника восхвалим,/ занея коже древле сему, и ныне нам воззва:// приидите, обретохом Желаемаго.

Молитва

Первозванне апостоле Бога и Спаса нашего Иисуса Христа, Церкве последователю верховный, всехвальне Андрее, славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребываеши на Небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше еже ко Христу обращение, и не точию любиши, но и молиши о нас Бога, зря во Свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают; верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас, грешных; да якоже ты абие по гласу Господа, оставль мрежи своя, неуклонно ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.


Преподобный Ефрем Сирин, Едесский, иеродиакон

Тропарь, глас 8

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.

Кондак, глас 2

Час присно провидя Суда,/ рыдал еси горько, Ефреме, яко любобезмолвный,/ делателен же был еси в делех учитель, преподобне./ Темже, отче всемирный, ленивыя воздвизаеши к покаянию.

Молитва первая

 О угодниче Христов, отче наш Ефреме! Принеси молитву нашу к милостивому и всесильному Богу и испроси нам, рабам Божиим (имена), у благости Его вся яже на пользу душам и телесем нашим, веру праву, надежду несумненну, любовь нелицемерну, кротость и незлобие, во искушениях мужество, в злостраданиях терпение, во благочестии преспеяние, да не во зло обратим дары Всеблагаго Бога. Не забуди, чудотворче святый, и святый храм (дом) сей и приход наш: сохрани и соблюди их молитвами твоими от всякаго зла. Ей, святче Божий, сподоби нас кончину благую улучити и Царствие Небесное унаследити, да прославим дивнаго во святых Своих Бога, Емуже подобает всякая слава, честь и держава, во веки веков. 

Молитва вторая

Преподобне отче Ефреме! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь. 

Молитва третья 

О, священная главо, преподобне отче, преблаженне авво Ефреме, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь. 


2. Ватопедский монастырь или Ватопед (греч. Βατοπέδι или Βατοπαίδι, от греч. Βατος — куст и παιδί — дитя, отрок) 

Православный греческий мужской монастырь на Святой Горе Афон в Греции, второй в иерархии афонских монастырей, один из самых древних, богатых и обширных. Находится на северо-восточном побережье полуострова Афон, между монастырями Эсфигмен и Пантократор.

По преданию монастырь в его нынешнем виде создан около 972—985 годов тремя богатыми и знатными людьми: Афанасием, Николаем и Антонием. Они приняли монашество и стали учениками преподобного Афанасия Афонского, который отправил их жить на то место где сейчас стоит Ватопед.

Главный собор монастыря (X век) освящён в честь Благовещения Пресвятой Богородицы, поэтому престольный праздник монастыря 25 марта по юлианскому календарю (7 апреля по новому стилю). Кроме соборного храма в обители ещё шестнадцать параклисов (небольших церквей).

В 1743—1759 годах здесь существовала знаменитая Афонская академия.


Святыни монастыря

Часть Животворящего Креста Господня

Честной пояс Пресвятой Богородицы

Частицы мощей святых: Григория Богослова, Андрея Критского, апостола Варфоломея, великомучеников Феодора Стратилата, Параскевы, Кирика, Сергия и Вакха, священномученика Харалампия, великомученика Пантелеимона, Трифона, Иоанна Милостивого, архидиакона Стефана, великомученика Димитрия Солунского

В монастыре находится диптих из икон Пантократора и Богородицы «Умиление», который почитается как иконы императрицы Феодоры, восстановившей иконопочитание

Среди находящихся в монастыре Богородичных икон по меньшей мере восемь почитаются чудотворными:

«Отрада», или «Утешение»

«Всецарица» («Пантанасса»)

«Елеоточивая», или «Келарница» («Элеовритисса», «Дохиарисса»)

«Ктиторская», или «Алтарница» («Виматарисса»)

«Закланная» («Эсфагмени»)

«Предвозвестительница», или «Живоприятная» («Антифонитриа»)

«Простреленная» («Пироволифиса»)

«Увещание» («Парамифия», XIV век)


Молитвы

Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Положение честного Пояса Пресвятой Богородицы (395–408)

Тропарь, глас 8

Богородице Приснодево, человеков покрове, ризу и пояс пречистаго Твоего телесе, державное граду Твоему обложение даровала еси, безсеменным рождеством Твоим нетленна пребывающи, о Тебе бо и естество обновляется и время. Темже молим Тя, мир граду Твоему даровати, и душам нашым велию милость.

Кондак, глас 2

Богоприятное Твое чрево, Богородице, объемший пояс Твой честный, держава граду Твоему необорима, и сокровище есть благих неоскудно, едина рождшая Приснодево.

Другой кондак, глас 4

Честнаго пояса Твоего положение празднует днесь Твой, препетая, храм, и прилежно взывает Ти: радуйся, Дево, христиан похвало.


Святитель Григорий Богослов, Назианзин, Младший, Константинопольский, архиепископ

Тропарь, глас 1

Пастырская свирель богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Кондак, глас 3

Богословным языком твоим сплетения риторская разрушивый, славне, Православия одеждею свыше истканною Церковь украсил еси, юже и носящи, с нами зовет твоими чады: радуйся, отче, богословия уме крайнейший.

Молитва первая

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Молитва вторая

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.


Святитель Андрей Критский, архиепископ

Тропарь, глас 1

Христову Церковь цевницею языка твоего, песнословя умильно, возвеселил еси, богословием же Препетыя Троицы славу всем сказал еси ясно, тем тя, яко тайноглагольника, поем, Андрее, пастырю Критский, и величаем память твою, Христа славяще дивнаго во святых Своих.

Кондак, глас 2

Вострубив ясно Божественная сладкопения, явился еси светильник мира светлейший, светом сияя Троицы, Андрее преподобне. Темже вси вопием ти: не престай моляся о всех нас.

Молитва

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Андрее! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, град сей и вся грады страны добре сохрани и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою припадающия и молящияся тебе от всяких напастей и бед ходатайством твоим свободию Моли о нас Всещедраго и Человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков. Аминь.


Апостол Варфоломей (Нафанаил)

Кондак, глас 4

Явился еси великое солнце вселенней/ учений сияньми и чудес страшных,/ световодя почитающия тя,/ Варфоломее,// Господень апостоле.

Молитва

О, преславный Апостоле Христов Варфоломее, душу за Христа предавший и кровию твоею пажить Его удобривший! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков. Аминь.


Великомученик Феодор Стратилат, Гераклийский

Тропарь, глас 4

Воинствословием истинным, страстотерпче,/ Небеснаго Царя воевода предобрый был еси, Феодоре,/ оружиями бо веры ополчился еси мудренно,/ и победил еси демонов полки,/ и победоносный явился еси страдалец./ Темже тя верою// присно ублажаем.

Кондак, глас 2

Мужеством души в веру оболкийся/ и глагол Божий, аки копие, в руку взем,/ врага победил еси,/ мучеников превелий Феодоре,// с ними Христу Богу моляся не престай о всех нас.

Молитва

О святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемаго от Своего благосердия Бога, да милостивно услышит нас, благостыни у Него просящих, и вся наша ко спасению и житию нужная прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и во веки веков.


Великомученица Параскева Пятница

Тропарь, глас 4

Премудрая и всехвальная Христова мученица Параскева,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,/ спаси души наша.

Ин тропарь, глас 8

Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

Кондак, глас 3

Всесвятое и непорочное мучение принесши,/ яко вено пречестное, безсмертному Жениху Христу,/ Ангельское ликостояние возвеселила еси/ и победила еси демонския козни./ Сего ради тя честно верою чтим,/ мученице Параскево многострадальная.

Молитва первая

Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его, Человеколюбца, и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим все пречестное и великолепое имя дивнаго во святых Своих истиннаго Бога, Отца, и Сына, и Святаго Духа, всегда, ныне и присно, и во веки веков. Аминь.

Молитва вторая

О, святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О, великая угодница Божия! О, мужественнейшая дево! О, крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.


Мученик Кирик Тарсийский

Тропарь мучеников Кирика и Иулитты, глас 8

Яко лоза благоплодная, Иулитто честная,/ грозд зрел принесла еси Цареви, всех Богу,/ сына твоего Кирика славнаго,/ мучением того богатно украсивши/ и твоею кровию навершивши,/ тем и дарова тебе Вышний возмездие в Вышних,/ идеже ликующе, помяните нас, мученицы терпеливодушнии.

Ин тропарь мучеников Кирика и Иулитты, глас 4

Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

Кондак мучеников Кирика и Иулитты, глас 4

Во объятиих носящи христомученица Иулитта Кирика,/ на подвизе мужески веселящися, взываше:/ Христос есть мучеников похвала.

Ин кондак мучеников Кирика и Иулитты, глас 2

Жертва приятна, Богови приносима,/ и свидетель верен Христов являемь,/ с материю пострадал еси Иулиттою, Кириче славне,/ с неюже Христа Бога молити не престай о всех нас.

Молитва святым мученикам Кирику и Иулитте

О, двоице святая, страстотерпцы Христовы, преблаженне Кириче, в трилетнем возрасте пострадавый, с богомудрою материю Иулитою! Кровьми вашими, яко багряницею, украсившиися и Небесных чертогов и вечнующия славы сподобившиися, не забудите и нас, на земле сущих, но теплым ходатайством вашим пред Богом избавите всех нас от всякия скорби и болезни. Се бо, к честней иконе вашей благоговейно припадающе и лобызающе ю, мы, недостойнии и многогрешнии, к вам, яко к скорым помощником и теплым молитвенником нашим, прибегаем и с сокрушенным и смиренным духом вопием: не презрите моления нас, грешных, немощных, во многия беззакония впадших, но, яко благодатию Божиею венчаннии, очистите нас от недуг наших и испросите нам у Христа Бога нашего здравие душевное и телесное. Вы бо неоскудную благодать исцелений от Спаса нашего Иисуса Христа за веру вашу, мучениими запечатленную, прияли есте. Темже убо помозите всем, в лютых немощех лежащим и в человечестей помощи отчаявшимся, к вам же тепле с верою прибегающим, и исцеление тем подавайте неоскудно, всем же верным грехов оставление испросите, да славят дивнаго во святых Своих Господа Бога и Спаса нашего Иисуса Христа, и Пречистую Матерь Его, и ваше теплое заступление всегда, ныне и присно, и во веки веков. Аминь.


Мученики Сергий и Вакх

Тропарь мучеников Сергия и Вакха, глас 5

Удобрение Христовых страстотерпец/ и очи Христовы Церкве,/ очи просветите душ наших,/ Сергие многострадальне и Вакше преславне:/ молитеся ко Господу,/ яко да убежим тьмы греховныя/ и Света явимся общницы невечерняго// молитвами вашими, святии.

Кондак мучеников Сергия и Вакха, глас 2

Разум на враги мужески вооруживше,/ всю тех лесть разрушисте,/ и победу свыше приимше, мученицы всехвальнии,/ единомысленно вопиюще:// добро и красно еже быти с Богом.


Священномученик Харалампий Магнезийский, епископ

Тропарь, глас 4

Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.

Кондак, глас 8

Подобствовав благодатию священства, славне,/ Церковь светло украсил еси Божественным страданием,/ еже за Христа приял еси доблественно, радуяся, Харалампие,/ честный светильниче всемирный, осияваяй концы,// яко непобедимый.

Молитва

О священная и многострадальная главо, пастырю добрый словесных овец Христовых, священномучениче Христов Харалампие. Магнисийская похвало и славо вселенныя, всемирный светильниче и великий наш заступниче и помощниче в скорбех, бедах и всяких нуждах! Услыши нас грешных, к тебе прибегающих и молящихся, и избави нас от всякаго злаго обстояния. Ты бо приял еси от Господа благодать и силу велику за многия и нужныя страдания твоя и терпение, еже всюду и во всем нам помогати, и наипаче идеже память твоя почитаема будет бдением, пением и усердным молением. Сицевая благодать дадеся ти, священномучениче Христов, от явльшагося ти Господа Царя славы по твоему испрошению. Егда на мечное тя усечение осудиша, услышал еси превожделенный и сладчайший оный глас, глаголющий тебе: “Прииди, Харалампие, друже Мой, многия муки имене ради Моего претерпевый, и проси у Мене, еже хощеши, и Аз дам ти”. Ты же, великий светильниче, рекл еси Христу Господу усты своими: “Господи мой, велико убо мне есть от Тебе, Света невечерняго, дарование сие. Аще угодно есть величеству Твоему, молю Тя, благоволи даровати мя сицевую милость Свою: да идиже положены будут мощи моя и почитаема будет память страдания моего, не будет на месте том ни глада, ни мора, или тлетворного воздуха, погубляющего плоды, но да будет паче на месте оном мир, здравие телесем и душам спасение, изобилие пшеницы, вина, и елеа и умножение скотов, яже на потребу человеком”. Ты же паки, угодниче Христов Харалампие многострадальниче, глас Господен услышал еси, вещающий тебе: “буди по прошению твоему, преславный Мой воине”. И абие, по глаголании сем Господнем предал еси душу свою без мечнаго посечения, и пойде во след Христа Господа со славою многою, Ангелом убо сретающим и провождающим ю до престола Господня с радостию великою. И тако приял еси венец славы от Божественныя руки Его с лики святых, вечно славящих пресвятое имя Господа. И тамо, во славе небесней пребывая, призри, угодниче Божий, и на нас грешных, молящихся тебе, и воспомяни нас пред Господем, еже даровати нам на потребу велия Его милости в безконечныя веки. Аминь.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.


Мученик Трифон Апамейский, Никейский

Тропарь, глас 4

Мученик Твой, Господи, Трифон,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Ин, глас 4

Пищи Божественныя, треблаженне,/наслаждаяся на Небесех неоскудно,/ славящих песньми память твою покрый/и сохрани от всякия нужды,/ отженй вредящих нивам животных,/ да тебе от любве вопием всегда:/ радуйся, Трифоне, мучеников укрепление.

Кондак, глас 8

Тройческою твердостию/ многобожие разрушил еси от конец, всеславне,/ честен во Христе быв, и, победив мучители во Христе Спасителе,/ венец приял еси мученичества твоего/ и дарования Божественных исцелений,// яко непобедим.

Молитва

О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь.


Святитель Иоанн Милостивый, Александрийский, патриарх

Тропарь, глас 8

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Иоанне милостиве, блаженне,// спастися душам нашим.

Кондак, глас 2

Богатство твое расточил еси убогим/ и Небесное богатство ныне восприял еси,/ Иоанне всемудре,/ сего ради вси тя почитаем,/ совершающе память твою,// милостыни о тезоимените!

Молитва

Святителю Божий Иоанне, милостиве защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Не престай моляся ко Господу о всех с верою притекающих к тебе! Ты, преисполнен сый Христовы любви и благости, явился еси яко чудный чертог добродетели милосердия и стяжал еси себе имя «Милостивый». Ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом «всякия утехи», да вси, прибегающии к тебе, обретают мир и безмятежие: даруй им утешение в печалех временных и пособие в нуждах житейских, вселив в них надежду вечнаго упокоения во Царствии Небеснем. В житии твоем на земли ты был еси пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом Богом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да вселится в них мир и радость о Дусе Святе, - во славу Господа и Спаса нашего Иисуса Христа, во веки веков. Аминь.


Апостол от 70-ти Стефан, первомученик, архидиакон

Тропарь, глас 4

Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.

Ин, глас 3

Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.

Кондак, глас 6

Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.

Кондак, глас 3

Владыка вчера нам плотию прихождаше,/ и раб днесь от плоти исхождаше,/ вчера Царствуяй плотию родися,/ днесь раб камением побивается,/ того ради и скончавается,// первомученик и Божественный Стефан.

Молитва

Первый во диаконех, первый и в мученицех показался еси, святый Стефане, апостоле, исполнь бо веры и силы во учении и в знамениих велик явился еси, и никтоже возможе противустати премудрости и духу, имиже глаголал еси, лице же твое на сонмищи видено бысть, яко лице ангела. Темже, исполнен Святаго Духа быв, видел еси отверстое небо и славу Божию и Сына человеча, Господа нашего Иисуса Христа, одесную стояща Бога Отца. Таже и от жестоковыйных и убийц иудеев камением пред лицем Преблагословенныя и молящияся о тебе Девы, Матере Его, побиваемь, преклонь колена, возопил еси гласом велиим: Господи, не постави им греха сего! И тако дух твой Господу Иисусу радостно предал еси. Сего ради молитвенника и предстателя тя стяжахом, колена души и сердца нашего преклоньше, тя молим: воздежи руце твои ко Господу, и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию и твоим предстательством и заступлением Пресвятыя Матере Своея в день он, страшный и праведный, да не поставит пред нами грехи наша, но по щедротам Своим, тобою умолен быв, да речет души нашей: спасение ваше есмь Аз во веки веков. Аминь.


Великомученик Димитрий Солунский (Фессалоникийский), Мироточивый

Тропарь, глас 3

Велика обрете в бедах тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися// даровати нам велию милость.

Кондак, глас 2

Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим,// того бо еси утверждение.

Молитва

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.


Икона Богородицы «Отрада» («Утешение») Ватопедская

Тропарь

О, покров благодатный и спасительный стяжахом честную Твою икону, Богородице. На сию убо со умилением взирающе, Тебе вопием: Владычице низпосли отраду и утешение; на Тя упование возлагаем грешнии и смиреннии, на Твое предстательство надеемся недостойнии, ускори нас избавити от бед и скорбей, и умоли Сына Твоего, Христа Бога нашего, помиловати и спасти души наша.

Ин тропарь, глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений./ Не отврати Твоя рабы тщи,/ Тя бо и едину надежду имамы.

Кондак, глас 8

Взбранной Воеводе победительная,/ яко избавльшеся от злых,/ благодарственная восписуем Ти, раби Твой, Богородице,/ но яко имущая державу непобедимую,/ от всяких нас бед свободи, да зовем Ти:/ Радуйся, Невесто Неневестная.

Молитва

Надежда всем концем земли, Пречистая Дево Богородице, Утешение и Отрадо наше! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаице о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.


Икона Богородицы Всецарица (Пантанасса)

Тропарь, глас 4

Образом радостотворным честныя Всецарицы, желанием теплым взыскающих благодати Твоея спаси, Владычице, избави от обстояний к Тебе прибегающих, от всякия напасти огради стадо Твое, к заступлению Твоему взывающее присно.

Молитва

О, Всеблагая досточудная Богородице Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую и не изнеможет у Тебе всяк глагол, о Всецарице! Ты за мя упроси, Ты за мя умоли, да прославляю преславное имя Твое всегда, ныне и в безконечныя веки. Аминь.


3. Иверский монастырь или Иверон (греч. Μονή Ιβήρων, груз. ივერთა მონასტერი)

Православный ныне греческий мужской монастырь на Святой Горе Афон в Греции, занимающий в святогорской иерархии третье место. Находится на северо-востоке полуострова; основан в 980—983 году грузинами.

Иверон — гр. принадлежащий Грузинам. Иберия (рус. Иверия) — Грузия. Название объясняется тем, что основателем и первым строителем монастыря был Иоанн Иверский. Из этой обители происходит почитаемая в России Иверская икона Божией Матери. Монастырь построен на средства грузинского царского дома Багратионов.

За привезённый в Москву список с иконы (впоследствии выставленный в Иверской часовне) царь Алексей Михайлович в 1653 году передал Иверскому монастырю Николо-Греческий монастырь в Китай-городе. По его названию получила своё имя Никольская улица.

С 1830 году Иверский монастырь захвачен греками, которые в 1866 году заменили все грузинские надписи греческими.


Святыни монастыря

Иверон имеет множество святых мощей, больше, чем любой другой монастырь на Афоне. Чудотворная икона Вратарница, почитаемая с IX века, также находится в Ивероне.


Молитвы

Икона Богородицы Иверская «Вратарница»

Тропарь, глас 1

От святыя иконы Твоея,/ о, Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети/ и душу мою помилуй, Благая,// и тело исцели благодатию Твоею, Пречистая.

Ин тропарь, глас 1

Дерзость ненавидящих образ Господень/ и держава нечестивых безбожно в Никею прииде,/ и посланнии безчеловечно вдовицу,/ благочестно чтущую икону Богоматере, истязуют,/ но тая нощию с сыном икону в море пусти, вопиющи:/ слава Тебе, Чистая,/ яко непроходимое море плещи своя подаде,// слава правошествию Твоему, едина Нетленная.

Кондак, глас 8

Аще и в море ввержена бысть святая икона Твоя, Богородице,/ от вдовицы, не могущия спасти сию от врагов,/ но явилася есть Хранительница Афона/ и Вратарница обители Иверския, враги устрашающая/ и в Православней Российстей стране// чтущия Тя от всех бед и напастей избавляющая.

Кондак, глас 4

Совозсия днесь Свету Воскресения свет чистыя иконы Твоей,/ обоя весело торжествующе вопием:/ сохрани раб Твоих благодатию, Владычице.

Молитва

О, Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая заступница, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.


4. Хиландар (серб. Хиландар, греч. Χιλανδαρίου), сербский

Один из афонских монастырей, занимающий в святогорской иерархии 4-е место. Состоит в юрисдикции Константинопольского патриарха, но духовно поддерживается Сербской православной церковью, являясь одной из величайших сербских религиозных святынь. Находится на на северо-восточной стороне Афонского полуострова. 

Монастырь основан в 1198 году сербским архиепископом Св. Саввой и его отцом, сербским князем Стефаном Неманей.

В 2004 году монастырь сильно пострадал от пожара, уничтожившего почти половину строений обители (за исключением библиотеки, ризницы и четырёх из 8-ми часовен), в связи с чем в настоящее время в монастыре проводятся восстановительные работы.

В настоящее время в монастыре проживает около 70 сербских монахов. 


Святыни монастыря

Икона Божией Матери «Троеручица»

Акафистная икона Божией Матери

Икона Божией Матери «Млекопитательница»

икона Богородицы «Вразумившая экклисиарха»

икона Богородицы «Попская»

жезл Саввы Освященного

частицы реликвий Страстей Христовых: Животворящего Креста, тернового венца, крови Господней, трости и пелен Христовых

мощи святых Евтихия патриарха Цареградского, преподобного Симеона Столпника, Григория Богослова, святой Марины, патриарха Никифора, св. Пантелеимона, пророка Исаии, Иоанна Предтечи и других.


Молитвы

Икона Богородицы «Троеручица»

Тропарь, глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Ин тропарь, глас 4

Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не остави милость Твою от нас,/ но пребуди с нами во веки.

Кондак, глас 8

Днесь веселое наста ныне Твое торжество, Богомати Пречистая,/ вси вернии исполнишася радости и веселия,/ яко сподобльшеся изрядно воспети/ предивное явление честнаго образа Твоего/ и рождшагося из Тебе Младенца, истинна же Бога,/ Егоже двема рукама объемлеши,/ и третиею от напастей и бед нас изымаеши// и избавляеши от всех зол и обстояний.

Кондак, глас 3

Дева днесь благоволение к нам являет,/ Гора же Афон благодарение Ей приносит,/ Ангели и иноцы славословят,/ Троеручица из Сербии чудесно путешествует:/ нас бо ради прииде// и вселися во святую обитель Хиландарскую.

Молитва

О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную - надежду несумненную показавшему! Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.


Икона Богородицы Акафистная

Молитва

О Пречудная и Превысшая всех тварей Царице и Богородице, Небеснаго Царя Христа Бога нашего Мати, припадаем и поклоняемся Тебе пред святою и пречестною иконою Твоею, еюже дивныя и преславныя чудеса содеваеши! Смиренно молим Тя, всесильная рода нашего Заступнице, услыши нас и удиви на нас пребогатыя милости Твоя, и прошения наша, приносимая Тебе, яко благая Скоропослушница, исполни. Благодатию Твоею души наша освяти и не отнимай от нас покрова Своего, под ним же присно пребывая, яко Стеной Нерушимой защищени пребудем от всех бед и напастей, от всякаго врага и супостата, от всех злых козней вражиих на нас присно находящих. Благоуханием непорочной души Своея наполни души наша, да возвеселятся сердца наша, ибо несть никто в мире сем милее и прекраснее Тебе, Дево Пресвятая! Ты еси наше Богатство, Ты еси наше Сокровище, Ты еси наше Упование и наша Защито! К Тебе Единей в печалех наших притекаем и у Тебе Единей утешение получити чаем. О Всепетая Дево Богородице, не престай молитися о нас, недостойных рабех Твоих, славящих Тя и почитающих, и надежду на Тебе имущих, ныне и присно, и во веки веков. Аминь.


Икона Богородицы «Млекопитательница»

Тропарь, глас 3

Без семене от Божественнаго Духа,/ волею же Отчею зачала еси Сына Божия,/ от Отца без матере прежде век суща,/ нас же ради из Тебе без отца бывша,/ плотию родила еси/ и Младенца млеком питала еси,/ темже не престай молити/ избавитися от бед душам нашим.

Кондак, глас 5

Душ наших чувствия очистивше,/ узрим на иконе таинство преславное,/ Творца Вселенныя и Господа вышних сил,/ во объятиих держима и от сосцу Твоею яко Младенца питаема,/ и, со страхом и радостию покланяющеся Тебе/ и рождшемуся от Тебе Спасу нашему, воззовем:/ радуйся, Владычице, жизни нашея Питательнице.

Молитва

Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша прославим Тя, милосердую Заступницу и верную Надежду рода нашего, во веки веков. Аминь.


Икона Богородицы Попская (Иерейская)

Тропарь, глас 1

Преблагословенная Царице, Пречистая Дево Богородице, прославльшая Святую Гору Афонскую многими чудесы, от икон Твоих честных изливающимися; сего ради пред образом Твоим припадающе, молимся: избави нас от всякаго зла, недуги наша исцели, мир в сердца наша низпосли и наследниками Царствия Небеснаго, яко Мати Милосердная, сотвори.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.

Молитва

О Пресвятая Дево, Преславная Госпоже Владычице наша Богородице, воззри милостиво на нас, предстоящих Ти с верою и любовию: приими милостиво наше хвалебное пение сие и пролей ко Господу Богу нашему Твою матернюю молитву о нас, грешных и недостойных, да узрит Он наше покаяние сердечное и, простив нам вся согрешения наша, спасет и помилует нас. Покажи на нас чудныя милости Твоя, Богомати, смиренно молим Тя: на путь правый нас настави, светом истины умы наша просвети, сердца наша умягчи, веру укрепи, надежду утверди, дара любве к Богу и ближним сподоби, да в единении друг со другом пребывающе, богоугодное житие поживем, и дарами благ земных насладившеся, благ небесных, милосердия ради Божественнаго, не лишимся, да благодарне воспевающе величия Твоя, Пречистая, сподобимся Небеснаго Царствия и тамо со всеми святыми прославим пречестное и великолепое имя в Троице славимаго Бога: Отца и Сына и Святаго Духа. Аминь.


Преподобный Савва Освященный, Муталаскский, игумен

Тропарь, глас 8

Слез твоих теченъми пустыни безплодное возделал ecи/ и иже из глубины воздыханъми во сто трудов уплодоносил ecи/ и был ecи светильник вселенней/ сияя чудесы, Савво, отче наш / моли Христа Бога спастися душам нашиим. 

Кондак, глас 8

Яко от младенства Богу жертва непорочная/ принеслся еси добродетелию, Савво блаженне,/ садоделатель быв благочестия,/ темже был еси преподобных удобрение,/ гражданин же пустынный достохвален./ Темже зовем ти:// радуйся, Савво пребогате. 

Молитва

О предивный и всехвальный угодниче Божий, преподобне отче Савво! Днесь (во святем храме твоем) благоговейно предстояще пред святою иконою твоею и радостно совершающе пресветлую память твою, ублажаем тя заступника нашего. Почитающе же твое велие дерзновение пред Господем, смиренно молим тя, преблаженне: приими милостивно от нас хвалебное пение сие, от любве и усердия тебе приносимое. И, яко имеяй велие дерзновение ко Господу, потщися богоприятным твоим ходатайством испросити у Царя царствующих и Господа господствующих, яко да пробавит великия и богатыя милости Своя на нас грешных, да подаст нам дух правыя веры, дух ведения и любве, дух мира и радости о Дусе Святе, да избавит от бед и напастей, да низпослет вся полезная ко спасению душ наших. Всем же православным да ниспослет мир, тишину, безмятежие, усердие ко исполнению заповедей его, изобилие плодов земных, и да избавит всю русскую страну от глада, труса, потопа, огня, меча, нашествия иноплеменных и междоусобныя брани, смертоносныя язвы и от всякаго зла. Ей, угодниче Божий! Не презри молений наших, но услыши нас молящихся тебе, и под кровом заступления твоего сохрани нас (и обитель твою) ненаветны от враг видимых и невидимых, да сподобимся скончати житие наше в покаянии и восприимем вечная благая во Царствии Христа Бога нашего, идеже восхвалим с тобою и всеми святыми достопоклоняемое имя Пресвятыя Троицы, Отца и Сына и Святаго Духа, во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Святитель Евтихий Константинопольский, архиепископ

Тропарь, глас 4

Правило веры и образ кротости,/ воздержания учителя/ яви тя стаду твоему/ яже вещей истина,/ сего ради стяжал еси смирением высокая,/ нищетою богатая./ Отче Евтихие,/ моли Христа Бога/ спастися душам нашим.

Кондак, глас 8

Божественнаго верно Евтихия вси поюще, людие,/ любовию да ублажим, яко пастыря велика и служителя,/ и учителя премудра, и прогонителя ересей,/ молит бо Господа о всех нас.


Преподобный Симеон Столпник, Антиохийский, архимандрит

Тропарь, глас 1

Терпения столп был еси,/ ревновавый праотцем, преподобне,/ Иову во страстех, Иосифу во искушениих,/ и безплотных жительству, сый в телеси,/ Симеоне отче наш,/ моли Христа Бога спастися душам нашим.

Кондак, глас 2

Вышних ищай, нижним совокупляяйся,/ и колесницу огненную столп соделавый:/ тем собеседник ангелом был еси преподобне,/ с ними Христу Богу моляся/ непрестанно о всех нас.

Молитва

О, святый и великий угодниче Божий Симеоне! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже, взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и присно и во веки веков. Аминь.


Святитель Григорий Богослов, Назианзин, Младший, Константинопольский, архиепископ

Тропарь, глас 1

Пастырская свирель богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Кондак, глас 3

Богословным языком твоим сплетения риторская разрушивый, славне, Православия одеждею свыше истканною Церковь украсил еси, юже и носящи, с нами зовет твоими чады: радуйся, отче, богословия уме крайнейший.

Молитва первая

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Молитва вторая

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.


Великомученица Марина (Маргарита) Антиохийская

Тропарь, глас 4

Агница Твоя, Иисусе, Марина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Ин кондак, глас 3

Марина днесь вражию главу сокрушает,/ победы венец с Небесе приемши./ Егоже бо пророцы удержати не возмогоша,/ того она, связавши, уязви./ Сего ради показася мучеником украшение, вкупе же и похвала.

Молитва

О святая дево и великомученице Марино, истинная Жениха твоего Христа невесто, во граде Антиохии за веру Христову пострадавшая, сквозе огнь и воду прошедшая и в Царствии Небеснем водворившаяся! Ты от юности всею душею и всем сердцем возлюбила еси Христа, Бога нашего, Тому единому послужити желающи. Ты силою благочестия своего, целомудрием и праведностию просияла еси, поживши свято и непорочно посреде неверных. Ты, благодатию Божиею от ран дивно исцеленная, изумила еси мучителей твоих и многих неверных привела еси к познанию Истиннаго Бога. Ты силою Божиею попрала еси диавола, явльшагося пред очима твоима, и благодать прияла еси во брани врага рода человеческаго побеждати. Ты еси всея Церкве Христовы светильник пресветлый, теплая к Богу молитвенница и всем прибегающим к тебе с верою скорая заступница. О святая Марино, руководи нас к Небесному Отечеству, подаждь нам ревность о спасении, направи стопы наша к деланию заповедей Христовых, на путь подвига духовнаго и исправления жизни. Поминай нас молитвою твоею, помози всем нам жити целомудренно, праведно и благочестиво. Услыши ны, страстотерпице Христова, и умоли Человеколюбца Бога, да подаст Он ходатайством твоим Отечеству нашему мир и благоустроение, всем православным христианом утверждение в вере, благочестии и чистоте, да укрепит в нас братскую любовь, да очистит нас, грешных, от скверны и пороков, да сохранит нас от действа вражия, и помилует Своею благодатию, и Царствия Небеснаго наследники соделает, идеже купно с тобою прославим дивнаго во святых Своих Бога, Отца и Сына и Святаго Духа, всегда, ныне и присно, и во веки веков. Аминь.


Святитель Никифор I Константинопольский, исповедник, патриарх

Тропарь, глас 4

Правило веры и образ кротости,/ воздержания учителя/ яви тя стаду твоему/ Яже вещей Истина:/ сего ради стяжал еси смирением высокая,/ нищетою богатая,/ отче Никифоре,/ моли Христа Бога// спастися душам нашим.

Ин, глас 4

Иже первороднаго Царства отец,/ правоверный службы истинный пастырь бысть, преподобне,/ Царя града, Церкви всех матере явися светильник, Никифоре,/ моли Христа Бога,/ да спасет души наша.

Кондак, глас 1

Лик патриаршеский святую твою память/ хвалами и песньми, Никифоре, чествует,/ в преложении бо прият душу твою, славне./ Тем днесь честная Церковь, величающи Христа Царя,// славит Единаго Человеколюбца.

Кондак, глас 4 

Победы венец с Небесе,/ о Никифоре преславне,/ яко прием от Бога,/ спасай верою почитающия тя,// яко священноначальника Христова и учителя.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.


Пророк Исаия

Тропарь, глас 2

Пророка Твоего Исаии память, Господи, празднующе,/ тем Тя молим:/ спаси души наша.

Кондак, глас 2

Пророчества дарование прием, пророкомучениче, Исаие Богопроповедниче,/ всем изъяснил еси вочеловечение Господне,/ возгласив велегласно концем:/ се Дева во чреве приимет.


Пророк Предтеча и Креститель Господень Иоанн

Тропарь Рождеству Иоанну Предтече, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством,// и воплощение Сына Божия мирови проповедуется.

Кондак Предтечи, глас 6

Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.

Кондак Предтечи, глас 6

Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.

Кондак Предтечи, глас 5

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Кондак Предтечи, глас 1

Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.


5. Дионисиат (греч. Μονή Διονυσίου; также Неа Петра — букв. «Новая скала»)

Один из афонских монастырей, занимающий в святогорской иерархии 5-е место. Находится на юго-восточной стороне Афонского полуострова; основан в XIV веке святым преподобным Дионисием из селения Корисос (около Кастории), и назван его именем. Монастырь освящён в честь Рождества Иоанна Крестителя.

Библиотека содержит 1100 рукописей, некоторые из них украшены миниатюрами, и более чем 15 000 книг, включая бесценные инкунабулы. В нынешнем столетии из монастыря вышло много известных отшельников и богословов; сегодня братия насчитывает около 50 монахов.

24 июня/ 7 июля - Рождество Иоанна Предтечи - престольный праздник


Святыни монастыря

Чудотворная икона  Пресвятой Богородицы Мировлитиса (Мироточащая) — одна из главных святынь обители —  считается  одной из семидесяти, принадлежавших св. апостолу и евангелисту Луке.

Среди святынь, бережно хранимых братией монастыря - десницы святого Иоанна Предтечи и Иоанна Милостивого, частица мощей апостола Луки, святой Параскевы, мученика Антипы, святителя Нифонта и многих других святых.


Молитвы

Пророк Предтеча и Креститель Господень Иоанн

Тропарь Рождеству Иоанну Предтече, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством,// и воплощение Сына Божия мирови проповедуется.

Кондак Предтечи, глас 6

Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.

Кондак Предтечи, глас 6

Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.

Кондак Предтечи, глас 5

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Кондак Предтечи, глас 1

Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.


Святитель Иоанн Милостивый, Александрийский, патриарх

Тропарь, глас 8

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Иоанне милостиве, блаженне,// спастися душам нашим.

Кондак, глас 2

Богатство твое расточил еси убогим/ и Небесное богатство ныне восприял еси,/ Иоанне всемудре,/ сего ради вси тя почитаем,/ совершающе память твою,// милостыни о тезоимените!

Молитва

Святителю Божий Иоанне, милостиве защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Не престай моляся ко Господу о всех с верою притекающих к тебе! Ты, преисполнен сый Христовы любви и благости, явился еси яко чудный чертог добродетели милосердия и стяжал еси себе имя «Милостивый». Ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом «всякия утехи», да вси, прибегающии к тебе, обретают мир и безмятежие: даруй им утешение в печалех временных и пособие в нуждах житейских, вселив в них надежду вечнаго упокоения во Царствии Небеснем. В житии твоем на земли ты был еси пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом Богом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да вселится в них мир и радость о Дусе Святе, - во славу Господа и Спаса нашего Иисуса Христа, во веки веков. Аминь.


Апостол от 70-ти Лука Евангелист

Тропарь, глас 5

Апостольских деяний сказателя/ и Евангелия Христова светла списателя,/ Луку препетаго,/ славна суща Христове Церкви,/ песньми священными святаго апостола похвалим,/ яко врача суща,/ человеческия немощи,/ естества недуги и язи душ исцеляюща// и молящася непрестанно за души наша.

Кондак, глас 2

Истиннаго благочестия проповедника/ и таин неизреченных ритора,/ звезду церковную, Луку Божественнаго восхвалим:/ Слово бо его избра, с Павлом мудрым языков учителя,// Един ведый сердечная.

Молитва

О, святый Луко, Богом избранный и Материю Божиею благословенный, проповедниче по всей вселенней Евангелия Христова, мучениче и Апостоле, помощниче всем молитвенно призывающим тя, помози и нам, непотребным рабом Господним, яко мы по многим прегрешениям нашим обретаемся во тьме и сени смертней, отдалече от Бога отстоя. Чрез то стыдом посрамленные не имамы дерзновения Господа молити о прощении, призываем тя, великий светильниче Божий, яко пребывающаго в непреходящем Его свете, моли о нас Господа, да помилует нас.

Умоли Господа, святый Луко, да обновит в нас страх Господень, онже любы привлекает, а грех отгоняет. Яко мы тако навыкли грешити по всях день и час, и во сне, яко не вемы слов Господа: бдите, яко не знаете часа, егда хочу приити, Он же может на всяк час призвати нас из сего привременного живота в вечный. Пробуди в нас, святый Луко, страх и премудрость, о нихже святый царь и псалмопевец Давид рече. Да твоими молитвами получим покаяния слезы, имиже вси наши души от греха очистятся. Яко мы в духовной слепоте и дебелости суще не можем плакатися своего мертвеца, сиречь самих себе, многи же слезы, потоки слез потребно да пролием за множество содеянных грехов.

Помози нам, неразумным, да уразумеем Писание, еже ты сам списал еси, яко истинным разумом уразумеем истинная словеса, да бежим от греха, яко от огня, и вси силы приложим, да приблизит ны Бог. Да уразумеем, яко грех есть смерть, Бог же живот. Помози нам, святый Луко, да то уразумевше, очистимся от греха и прейдем из смерти в живот. Да будет нам Бог вся во всем. И ныне и во веки да пребудем близ Него. Дабы и нам, яко ти с Клеопою, егда путешествовали во Еммаус, сердце и душа трепетны быша от присутствия Его. Отнюдуже да снидет на ны мир небесный, к Царствию Небесному ны руководящий и радостны ны творящий, да возможем стрелы лукаваго, на всяк час в нас испущаемы, отгнати. С тем же получим и любы Божия, да руководит нас к вечному Отечеству, идеже вси силы небесные, вси святии, Мати Божия пред ними, Еяже благой лик в иконе тобою написанной, увековечен еси. Очи сердец наших да непрестанно взирают на ту лепоту и ею наслаждаются, да царит в нас Царство Небесное, в кое чаем молитвами твоими, святый Луко, преселитися, егда нас Господь призовет, да тамо вечно славим Бога во Святей Троице: Безначальнаго Отца, Единороднаго Сына и Пресвятаго Духа, во все бесконечные веки. Аминь.


6. Кутлумуш (рум. Cutlumuș, Кутлумуси́у, греч. Μονή Κουτλουμουσίου)

Православный монастырь на горе Афон. Шестой в иерархии Афонских монастырей.

Расположен посредине северо-восточного склона Афона, подле местечка Кареи. Кутлумуш обладает лучшей пристанью на Афоне, называемой Камегра и находящейся в получасе ходьбы к востоку от пристани Иверского монастыря. В Камегре пристают корабли, идущие на Афон.

Монастырь построен в форме четырёхугольника и окружён стенами с келиями в три этажа. В западной стене, в верхнем ярусе, находится трапеза, и двое ворот — в северном фасе. Храм Преображения — одноглавый; фиал — мраморный, в притворе крестовидного храма. В библиотеке хранились грамоты валашских воевод на славянском языке и греческих патриархов (1397—1640).

Одним из скитов Кутлумуша является скит святого великомученика Пантелеимона, каливой которого в честь святителя Иоанна Златоустого на протяжении более 25 лет управлял известный афонский духовный писатель монах Моисей Святогорец (1952—2014).

Общину монастыря в 1990 году составляло 73 монаха.


Святыни

Чудотворная икона Всемилостивая Заступница (греч. Φοβερά Προστασία), хранящаяся в одноимённом храме, более известная в России как икона Божией Матери «Страстная»

Частицы Животворящего Креста


Молитвы

Икона Богородицы «Страстная»

Тропарь, глас 4

Днесь возсия неизреченно царствующему граду нашему Москве/ икона Богоматере,/ и, яко светозарным солнцем, пришествием тоя озарися весь мир,/ Небесныя силы и души праведных мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом/ по велицей и неизреченней Своей милости.

Ин тропарь, глас 4

Животворящей Премудрости источник чудес/ честный образ Твой, Богородице Дево,/ молящеся, к нему любовию усердно притекающе, светло празднуем/ и из глубины души вопием Ти:/ спаси, Владычице, верою покланяющихся цельбоносному Твоему святому образу,/ тем, благодаряще, Тя величаем, яко Матерь Божию,/ спаси архиереи православныи,/ и сохрани землю Русскую,/ и вся люди, иже Тебе чтущия, соблюди,/ да хвалебныя Ти дары, грешнии, приносим, Благодатная:/ радуйся, Дево, христиан похвало.

Кондак, глас 3

Благодать прияхом нетления,/ еже даровала еси нам, спасительнаго Твоего целения/ чудотворным Твоим образом честным, Богородице Дево,/ темже вопием Ти и с радостию зовем, Госпоже Царице,/ молимтися умильно, грешнии, со слезами глаголюще:/ о Пресвятая Владычице,/ скорое нам яви заступление и помощь,/ спаси ны от супостат наших/ и от всякия скорби соблюди,/ землю нашу миром огради,/ и вся люди Твоя покрый,/ и соблюди на Тя уповающия,/ потщися избавити,/ да не погибнем зле, раби Твои,/ но да зовем Ти:/ радуйся, Невесто Неневестная.

Молитва

О Пресвятая Госпоже, Владычице Богородице, вышши еси всех Ангел и Архангел и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих Кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице, Владычице, милостию Твоею спаси и помилуй раб Твоих, Великаго Господина и отца нашего Святейшаго Патриарха (имя рек), и преосвященныя митрополиты, архиепископы и епископы, и весь священнический и иноческий чин, Богохранимую страну нашу, военачальники, градоначальники и христолюбивое воинство и доброхоты, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже, Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем, и с Пресвятым и Благим и Животворящим Его Духом, ныне, и присно, и во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


7. Пантократор (греч. Μονή Παντοκράτορος)

Один из православных монастырей на горе Афон. Седьмой в диптихе афонских монастырей.

Пантократор находится в 2 часах пути от Кареи на северо-востоке полуострова Афон, неподалёку от развалин древнего города. Расположен на утёсистом холме, на высоте 50 метров. Пантократор представляет собой четырёхугольную крепость с бойницами и разделяется внутри на два двора. На первом: гостиные кельи, разные мастерские и высокая башня с придельной церковью при ризнице; на втором — главный храм Преображения, колокольня и трапезная.

Монастырь был основан двумя греческими аристократами, здесь окончивших жизнь в иночестве: стратопедарх Алексий и брат его Иоанн, саном примикирий. Однако существует легенда, что монастырь основал император Алексий Комнин. Впервые о монастыре упоминается в 1358 году. В 1362 году монастырь был перестроен при участии константинопольского патриарха Каллиста I. Потом здесь жил патриарх Каллист II Ксанфопул, а также фессалоникийские архиепископы Феона и Симеон.


Святыни

мощи великомученика Феодора Стратилата

мощи бессребреников Космы и Дамиана

частица Животворящего Креста

часть щита великомученика Меркурия

иконы XIV века (иконостас собора, вероятно, самый древний на Афоне)

икона Богородицы Геронтисса (покровительница монастыря) — одна из наиболее почитаемых чудотворных афонских икон


Молитвы

Великомученик Феодор Стратилат, Гераклийский

Тропарь, глас 4

Воинствословием истинным, страстотерпче,/ Небеснаго Царя воевода предобрый был еси, Феодоре,/ оружиями бо веры ополчился еси мудренно,/ и победил еси демонов полки,/ и победоносный явился еси страдалец./ Темже тя верою// присно ублажаем.

Кондак, глас 2

Мужеством души в веру оболкийся/ и глагол Божий, аки копие, в руку взем,/ врага победил еси,/ мучеников превелий Феодоре,// с ними Христу Богу моляся не престай о всех нас.


Бессребреник Косма и Дамиан Асийские

Тропарь, глас 8

Святии безсребреницы и чудотворцы, Космо и Дамиане,/ посетите немощи наша:// туне приясте, туне дадите нам.

Кондак, глас 2

Благодать приимше исцелений,/ простираете здравие сущим в нуждах,/ врачеве, чудотворцы преславнии,/ но вашим посещением ратников дерзости низложите,// мир исцеляюще чудесы.

Молитва

О, чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святагокреста господня храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Великомученик Меркурий Кесарийский (Каппадокийский), военачальник

Тропарь, глас 4

Мученик Твой, Господи, Меркурий/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак, глас 4

Во бранех непобедимаго воина/ и в бедах непостыдна заступника,/ песньми Меркурия ублажим, славяще,/ празднующия бо память его весело// от бед избавляет и скорбей.

Молитва

О великомучениче святый и доблий воине Христов Меркурие, страданием, кровию и смертию своею верность Христу и Церкви Его свидетельствовавый и сего ради венец жизни от Него приемый! Ныне в хвалебных песнех тебе прославляюще, смиренно к тебе припадаем и усердно молим: предстатель буди пред Богом о душах наших неусыпный, умоли Владыку Господа, да сохранит Святую Церковь Свою и всех чад ея в союзе любве и единомыслии, да утвердится мир и безмятежие в людех, во отечестве нашем живущих, да познают вси, яко Христос есть Путь, Истина и Жизнь, и да приидут к Нему вси труждающиися и обремененнии, и упокоит их. О великий угодниче Божий! Крепкое стояние в вере нашей даруй нам, благодатную помощь нам низпосли, да мирное, тихое и богоугодное житие поживем в веце сем и достойно с тобою в день оный восхвалим Пресвятую Троицу, Отца и Сына и Святаго Духа, во веки веков. Аминь. 


Икона Богородицы «Геронтисса»

Тропарь, глас 4-й

Яко пресветлая звезда, просия Божественными чудесы святый образ Твой, Избавительнице, лучами благодати и милосердия Твоего озарив в нощи скорбей сущих. Подаждь убо и нам, Всеблагая Дево, избавление от бед, исцеление недугов душевных и телесных, спасение и велию милость.

Кондак, глас 8

Ко иконе Твоей, Пресвятая Госпоже, бедствовавши с верою притекшее, заступлением Твоим избавишася от злах, но яко Матерь Христа Бога и нас свободи от лютых обстояний, временных и вечных, да зовем Ти: радуйся Избавительнице наша от всех бед.

Молитва

О Пресвятая Госпоже Владычице Богородице! Вышши еси всех ангел и архангел, и всея твари честнейши: помощница еси обидимых, ненадеющихся надеяние, убогих заступница, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице! Милостию Твоею спаси и помилуй Святейшия Патриархи православныя, Преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити: и умоли, Госпоже, из Тебе без Семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от внезапныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению: и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.


8. Ксиропотам (греч. Μονή Ξηροποτάμου)

Православный монастырь на горе Афон. Восьмой в иерархии Афонских монастырей. В 1990 году там было 40 монахов.

Считается древнейшим монастырем на Афоне и вторым местом проживания после Кареи. Название этого монастыря (Сухой поток) дано ему по месту у глубокого оврага с ручьём, пересыхающим в летнюю жару, но зимой широким и глубоким. Ксиропотамский монастырь сооружён на западном крутом береговом склоне Афона, посредине его, над пристанью Дафни.

Главный храм 40 мучеников, крестовидной формы, пятикупольный с двумя приделами: правым «Успения» и левым «Косьмы и Дамиана».


Святыни

К реликвиям монастыря относятся:

крест из Животворящего Древа — дар восстановителя, императора Романа, по хрисовулу февраля 1034 года

крест — дар Пульхерии, с частицами мощей 40 мучеников, её же чаша из яшмы и богослужебная утварь

икона святого Димитрия Солунского, будто бы находившаяся до 1453 года в Софийском храме в Константинополе, резная из зелёного мрамора, с надписью, в которой упомянуты имена Романа и Андроника

мощи: кости рук святого Игнатия Богоносца, Григория Богослова и ног святого Василия Великого, Григория — просветителя Армении, Андрея Критского и святого апостола Варфоломея


Молитвы

Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Великомученик Димитрий Солунский (Фессалоникийский), Мироточивый

Тропарь, глас 3

Велика обрете в бедах тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися// даровати нам велию милость.

Кондак, глас 2

Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим,// того бо еси утверждение.

Молитва

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.


Священномученик Игнатий Богоносец, Антиохийский, епископ

Тропарь, глас 4

И нравом причастник,/ и престолом наместник апостолом быв,/ деяние обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Игнатие./ Моли Христа Бога/ спастися душам нашим.

Кондак, глас 3

Светлых подвиг твоих светоносный день/ предпроповедует всем в вертепе Рожденнаго:/ Сего бо жаждая от любве насладитися,/ потщался еси от зверей снеден быти,/ сего ради и Богоносец нареклся еси,// Игнатие всемудре.

Молитва

О великий святителю Богоносный Игнатие! К тебе припадаем и молим тя: призри на ны, грешныя, прибегающий к твоему заступлению! Умоли Господа, да простит нам вся согрешения наша. Ты мученически душу твою за веру положил еси, даруй и нам мужество во всем подражати тебе. Ничто в жизни не возмогло отлучити тя от любве ко Господу: ни лестныя обещания, ни прещения, ни угрозы, ниже самыя муки, ты с радостию предстал пред зверьми на смерть лютую и, яко Ангел, возлетел еси во обители Отца нашего Небеснаго, и молитва твоя много может пред Господем. Буди же, святый угодниче, предстателем у Господа, испроси нам благоденственное и мирное житие, здравие, и спасение, и во всем благопоспешение, на враги же победу и одоление, да осенит Он, Милосердый, Своею благодатию и да охранит нас на всех путях святыми Своими Ангелами. Помогай нам святыми своими молитвами ко Всемогущему Богу, да избавит ны от глада, труса, града, бездождия и смертоносных болезней. Буди нам помощник скорый во всякой скорби, наипаче в час кончины нашея явися нам светлым защитником и ходатаем и умоли Господа сподобитися всем нам, тебе ныне тепле молящимся, получити по христианской кончине Небесное Царствие, идеже вси святии вкупе с тобою вечно славят Отца и Сына и Святаго Духа. Аминь.


Святитель Григорий Богослов, Назианзин, Младший, Константинопольский, архиепископ

Тропарь, глас 1

Пастырская свирель Богословия твоего / риторов победи трубы, / якоже бо глубины духа изыскавшу, / и доброты вещания приложишася тебе. / Но моли Христа Бога, отче Григорие, // спастися душам нашим.

Кондак, глас 3

Богословным языком твоим сплетения риторская разрушивый, славне, / православия одеждею, свыше истканною, Церковь украсил еси, / юже и носящи, с нами зовет, твоими чады: радуйся, отче, // Богословия уме крайнейший.

Молитва

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.


Святитель Василий Великий, Кесарийский (Каппадокийский), архиепископ

Тропарь, глас 1

Во всю землю изыде вещание твое,/ яко приемшую слово твое,/ имже боголепно научил еси,/ естество сущих уяснил еси,/ человеческия обычаи украсил еси,/ царское священие, отче преподобне,/ моли Христа Бога// спастися душам нашим.

Кондак, глас 4

Явился еси основание непоколебимое Церкве,/ подая всем некрадомое господьство человеком,/ запечатлея твоими веленьми,// небоявленне Василие преподобне.

Молитва

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.


Святитель Андрей Критский, архиепископ

Тропарь, глас 4

Христову Церковь цевницею языка твоего,/ песнословя умильно, возвеселил еси,/ богословием же Препетыя Троицы/ славу всем сказал еси ясно,/ тем тя, яко тайноглагольника, поем,/ Андрее, пастырю Критский,/ и величаем память твою,/ Христа славяще дивнаго во святых Своих.

Ин, глас 4

Правило веры и образ кротости,/ воздержания учителя/ яви тя стаду твоему,/ Яже вещей истина./ Сего ради стяжал еси смирением высокая,/ нищетою богатая,/ отче Андрее,/ моли Христа Бога/ спастися душам нашим.

Молитва

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Андрее! Предстоя у престола всех Царя и наслаждаяся света Единосущныя Троицы и херувимски со Ангелы возглашая песнь трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, град сей и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старые утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою притекающия к тебе от всяких напастей и бед ходатайством твоим свободи. Моли о нас (имена) всещедраго и человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков. Аминь.


Апостол Варфоломей (Нафанаил)

Тропарь, глас 3

Апостоли святии,/ молите Милостиваго Бога,/ да прегрешений оставление// подаст душам нашим.

Собор славных и всехвальных 12-ти апостолов. Тропарь, глас 4

Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.

Кондак апостола Варфоломея, глас 4

Явился еси велие солнце Церкви,/ учений сиянием/ и чудесы страшными/ просвещая поющия тя, Варфоломее,// Господень апостоле.

Молитва

О, преславный Апостоле Христов Варфоломее, душу за Христа предавший и кровию твоею пажить Его удобривший! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков. Аминь.


9. Зограф (греч. Μονή Ζωγράφου, Зографский монастырь, болг. Зографски манастир; также «монастырь Великомученика Георгия Победоносца»), болгарский

Православный болгарский монастырь на Святой Горе Афон, посвящён св. Георгию Победоносцу. Девятый в иерархии афонских монастырей; один из трёх традиционно славянских по составу насельников.

Расположен в западной части полуострова, в 3 км от моря, в живописном заросшем лесом ущелье. Ближайшим соседним монастырем является Костамонит, расположенный в 3 км от Зографа. Существующие теперь здания сооружены преимущественно в XVIII — XIX веках.


Святыни

соборный храм, в котором находятся три иконы великомученика Георгия разного времени, построен в 1801 году, на месте более древнего храма

древнейшая чудотворная икона св. Георгия помещена у колонны правого клироса храма, а две копии с неё, поступившие в обитель из других мест, считаются, по легендам о них, чудотворными; вторая икона, по сказанию, приплыла морем из Аравии, а третья — Стефана Душана, найденная им по видению и сопутствовавшая ему в боях

икона Пресвятой Богородицы, именуемая Акафистной

Зографское евангелие, преподнесено монахами Александру II, который передал его в Императорскую публичную библиотеку


Молитвы

Икона Богородицы Акафистная

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.

Молитва

О Пречудная и Превысшая всех тварей Царице и Богородице, Небеснаго Царя Христа Бога нашего Мати, припадаем и поклоняемся Тебе пред святою и пречестною иконою Твоею, еюже дивныя и преславныя чудеса содеваеши! Смиренно молим Тя, всесильная рода нашего Заступнице, услыши нас и удиви на нас пребогатыя милости Твоя, и прошения наша, приносимая Тебе, яко благая Скоропослушница, исполни. Благодатию Твоею души наша освяти и не отнимай от нас покрова Своего, под ним же присно пребывая, яко Стеной Нерушимой защищени пребудем от всех бед и напастей, от всякаго врага и супостата, от всех злых козней вражиих на нас присно находящих. Благоуханием непорочной души Своея наполни души наша, да возвеселятся сердца наша, ибо несть никто в мире сем милее и прекраснее Тебе, Дево Пресвятая! Ты еси наше Богатство, Ты еси наше Сокровище, Ты еси наше Упование и наша Защито! К Тебе Единей в печалех наших притекаем и у Тебе Единей утешение получити чаем. О Всепетая Дево Богородице, не престай молитися о нас, недостойных рабех Твоих, славящих Тя и почитающих, и надежду на Тебе имущих, ныне и присно, и во веки веков. Аминь.


Великомученик Георгий Победоносец

Тропарь, глас 4

Яко пленных свободитель/ и нищих защититель,/ немощствующих врач,/ православных поборниче,/ победоносче, великомучениче Георгие,/ моли Христа Бога// спастися душам нашим.

Ин тропарь, глас 4

Подвигом добрым подвизался еси,/ страстотерпче Христов,/ верою и мучителей обличил еси нечестие,/ жертва же благоприятна Богу принеслся еси./ Темже и венец приял еси победы/ и молитвами, святе, твоими всем подавши// прегрешений прощение.

Тропарь, глас 4

Днесь блажат тя мира концы,/ Божественных чудес исполншеся,/ и земля радуется, напившися крове твоей./ Христоименитии же людие града Киева/ освящением Божественнаго храма твоего радостию возвеселишася,/ страстотерпче Георгие,/ сосуде избранный Святаго Духа, угодниче Христов./ Егоже моли/ с верою и мольбою приходящим во святый твой храм/ дати очищение грехов,// умирити мир и спасти души наша.

Кондак, глас 4

Возделан от Бога,/ показался еси благочестия делатель честнейший,/ добродетелей рукояти собрав себе:/ сеяв бо в слезах, веселием жнеши,/ страдальчествовав же кровию, Христа приял еси,/ молитвами, святе, твоими всем подаеши// прегрешений прощение.

Кондак, глас 8

К возбранному и скорому заступлению Твоему прибегше, вернии,/ молим избавитися, страстотерпче Христов,/ от соблазн вражиих воспевающим тя,/ и всяких бед, и озлоблений, да зовем:// радуйся, мучениче Георгие.

Кондак, глас 2

Божественнаго и венценоснаго великомученика Христова Георгия,/ на враги победу вземшаго одоления,/ сошедшеся верою во освященный храм, восхвалим,/ егоже благоволи Бог создати во имя его,// Един во святых почиваяй.

Молитва 1-я великомученику Георгию

Святый, славный и всехвальный великомучениче Георгие! Собраннии в храме твоем и пред иконою твоею святою покланяющиися людие, молим тя, известный желания нашего ходатаю, моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих врагов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.

Молитва 2-я великомученику Георгию

О, всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим даруемая нам тобою от Всещедраго Бога, но во славу святаго Имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и неосужденным предстати Престолу Господа славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати и Того выну славити со Отцем и Святым Духом ныне, и присно, и во веки веков. Аминь.


10. Дохиар (греч. Μονή Δοχειαρείου)

Православный греческий мужской монастырь на Святой Горе Афон в Греции, десятый в иерархии афонских монастырей.

Монастырь находится на юго-западном побережье полуострова Афон, между садов и рощ, к северу на расстоянии четверти часа ходьбы от Ксенофонта. В 1990 году в обители проживали 32 монаха; в 2011 году — около 50 иноков.

Престольный праздник 8 (21) ноября — Собор Архангела Михаила. Празднование иконе Божией Матери «Скоропослушница» совершается 1 (14) октября.

Название монастыря (Дохиар — келарев) происходит от того, что его основателем был игумен Евфимий, бывший также келарем лавры св. Афанасия. Главный храм в Дохиаре основан во имя Архангелов при императоре Никифоре Фоке, другом Св. Афанасия Евфимием и его родственником великим патрикием двора Николаем. Евфимий сперва построил церковь и при ней скит на месте пристани Дафни, а потом, удалившись к северу, на месте Дохиара соорудил храм Св. Николая. Патрикий Николай, давший средства на сооружение Дохиара, был пострижен в нём с именем Неофит, и после Евфимия стал игуменом. Посвящение монастыря архангелам последовало вследствие чудесного спасения небесными силами послушника с камнем на шее из моря; спасённый архангелами потом был пострижен с именем Варнавы и стал игуменом после Неофита. Он докончил строительство монастыря после нахождения клада.

В XIV веке монастырь развивался благодаря помощи императора Иоанна Палеолога и сербского короля Стефана Душана. В XVI веке монастырь был возрождён после турецкого погрома валахским господарем.


Святыни

Храм Архистратигов выше всех афонских церквей и облицован мрамором; в переходе из храма в трапезную находятся изображения трёх первых настоятелей

Справа от входа в трапезную, в специально устроенной часовне находится чудотворная икона Богоматери «Скоропослушница» (греч. Γοργοϋπηκόος), написанная в X веке во время игуменства Неофита. По преданию, в 1664 году из-за небрежного обращения с этой иконой был поражен слепотой и после покаяния полностью исцелён келарь монастыря Нил. В дальнейшем к этой иконе многократно обращались верующие, жаждущие духовного и телесного исцеления

Чудесным образом возникший колодец (1299 год), называемый «священным»

В монастыре хранятся: частица Животворящего Креста Господня, и глава свщм. Дионисия Ареопагита, первого епископа Афинского (I век), глава св. Митрофана патриарха Константинопольского (IV век), плат с кровью вчм. Димитрия Солунского, и глава новомуч. Георгия Ефесского, и рука мч. Марины, пмч. Параскевы, частицы мощей св. Иоанна Крестителя, вмч. Пантелеимона, свщм. Ермолая, свщм. Харалампия, св. Иоанна Русского, вмч. Никиты и другие


Молитвы

Икона Богородицы «Скоропослушница»

Тропарь, глас 4

К Богородице притецем, сущии в бедах,/ и святей иконе Ея ныне припадем,/ с верою зовуще из глубины души:/ скоро наше услыши моление, Дево,/ яко Скоропослушница нарекшаяся./ Тебе бо раби Твои в нуждах// готовую Помощницу имамы.

Кондак, глас 8

В мори житейстем обуреваемии,/ треволнению подпадаем страстей и искушений./ Подаждь убо нам, Госпоже, руку помощи, якоже Петрови Сын Твой,/ и ускори от бед избавити ны, да зовем Ти:// радуйся, Всеблагая Скоропослушнице.

Молитва

Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех проявившая, море явльшаяся Божественных дарований и чудес приснотекущая река, изливающая благодать всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки: удиви на нас пребогатыя милости Твоя, и прошения наша, приносимая Тебе, Скоропослушнице, ускори исполнити все, еже на пользу во утешение и спасение, коемуждо устрояющи. Посети, Преблагая, рабы Твоя благодатию Твоею, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши; избави Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевнаго разслабления, обуревания страстей и грехопадений свободи рабы Твоя, яко да непреткновенно, во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Апостол от 70-ти Дионисий Ареопагит, Афинский, епископ

Тропарь, глас 4

Благости научився и трезвяся во всех,/ благою совестию священнолепно оболкся,/ почерпл еси от сосуда избраннаго неизреченная/ и, веру соблюд, равное течение совершил еси,/ священномучениче Дионисие,/ моли Христа Бога// спастися душам нашим.

Кондак, глас 8

Небесная врата прошед духом, яко ученик/ до третияго Небесе достигшаго апостола, Дионисие,/ неизреченных обогатился еси всяким разумом/ и озарил еси во тьме неведения седящия./ Темже зовем:// радуйся, отче всемирный.


Великомученик Димитрий Солунский (Фессалоникийский), Мироточивый

Тропарь, глас 3

Велика обрете в бедах тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися// даровати нам велию милость.

Кондак, глас 2

Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим,// того бо еси утверждение.

Молитва

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.


Великомученица Марина (Маргарита) Антиохийская

Тропарь, глас 4

Агница Твоя, Иисусе, Марина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Ин, глас 3

Марина днесь вражию главу сокрушает,/ победы венец с Небесе приемши./ Егоже бо пророцы удержати не возмогоша,/ того она, связавши, уязви./ Сего ради показася мучеником украшение, вкупе же и похвала.

Кондак, глас 3

Девства добротами преиспещренна, дево,/ нетленными венцы венчалася еси, Марино,/ кровьми же мученичества обагрена,/ чудесы просветившися исцелений,/ благочестно, мученице, прияла еси почесть победы твоего страдания.


Преподобномученица Параскева Римская

Тропарь, глас 1

Тщание имущи сообразно имени твоему, тезоименитая, равноимянную тебе веру в сожительство избрала еси, Параскево победоносная, темже изливаеши исцеления и молишися о душах наших.

Кондак, глас 4

Храм твой, всечестная, яко врачебницу душевную обретше, в нем вси вернии велегласно почитаем тя, преподобномученице Параскево славная.

Ин кондак, глас 8

Страстотерпице, вернии, песнь Параскеве, приидите, согласно воспоим, облиставает бо чудесы в мире, отгоняющи прелести тьму, и дающи верным благодать независтную, зовущим: радуйся, мученице многострадальная.

Молитва

О, святая и многострадальная преподобномученице Параскево! К тебе, аки теплей за ны к Богу молитвеннице, припадаем и прилежно молимся: умоли Господа и Владыку нашего пробавити милость Свою к нам, недостойным рабом Его, даровати же нам душевное и телесное здравие, земли плодоносие, воздуха благорастворение, во благочестии христианстем преуспеяние, к житию временному нужная и довольная, и вся ко спасению потребная; да мирно и благочестно поживше, сподобимся благую кончину христианскую улучити и Царствие Небесное наследити. Ей, предстательнице наша благая! Не посрами упования нашего, еже по Бозе и Пресвятей Богородице крепкое на Тя возлагаем, но буди нам ходатаица во спасение, да сподобимся вкупе с тобою и всеми святыми в радости блаженства вечнаго славити во твоем заступлении великую милость Бога нашего, Отца, и Сына, и Святаго Духа ныне, и присно, и во веки веков. Аминь.


Пророк Предтеча и Креститель Господень Иоанн

Тропарь Рождеству Иоанну Предтече, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством,// и воплощение Сына Божия мирови проповедуется.

Кондак Предтечи, глас 6

Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.

Кондак Предтечи, глас 6

Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.

Кондак Предтечи, глас 5

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Кондак Предтечи, глас 1

Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.


Праведный Иоанн Русский

Тропарь, глас 4

Ко Иоанну, вернии, ныне притецем, сущии в бедах и напастех, и припадем, благочестно зовуще из глубины души: праведне, помози нам, твоим молитвенником, потщися и избави належащия нужды, не презри молитвы скорбныя притекающих ко крову твоему, святе.

Кондак, глас 4

Евангельския любве служителя, правды Божия ревнителя, чистоты душевныя и телесныя хранителя, веру Христову исповедавша в страданиих, праведнаго Иоанна ублажаем и почитаем днесь, и житием его назидающеся, поем: радуйся, молитвенниче наш, от Бога прославленный.

Молитва первая

О, великий угодниче Божий, святый праведный Иоанне Русский, просиявый в земли Асии равноангельным житием твоим, ревностию о Господе и подвигами во исповедании веры Христовы, града Прокопиона Новаго и всея Еллады пресветлое украшение, богохранимей стране и Русской, лю́дем ея и во всем мире живущым православным христианом помоще и крепкое заступление! Благодарим Господа, дивнаго во святых Своих, в вере истинней непоколебимо тя утвердившаго, в стоянии за исповедание ея укрепившаго и доброе скончание подвига многотруднаго даровавшаго, последи же многая и великая чудеса нам явившаго чрез многоцелебную раку мощей твоих. Ныне, предстоя Небесному Царю́, испроси у Него избавити вся грады и веси страны Русския и земли Елладския от глада, труса, огня, смертоносных болезней, от нашествий иноплеменных и междоусобной брани, исходатайствуй христолюбивому воинству нашему во бранех с врагами Отечества нашего победу и одоление. Помози всем путешествующим, болящим, в заточении сущим, скорби и гонения за святую веру Православную терпящим. Соедини всех православных людей любовию ко Христу Богу нашему и Церкви Его Святей, даруй нам дух любве и мира к братскому единению всех верных. Умоли Господа, да подаст нам дух покаяния и сокрушения о гресех наших и всесильною Своею благодатию да поможет и укрепит в борьбе со страстьми и похотьми, да дарует нам дух смирения и кротости, дух братолю́бия и незлобия, дух ревности по Бозе о спасении ближних.

Помяни и нас, грешных, молящихся тебе: страждущих и болящих исцели, скорбящих утеши, бедствующым скорую помощь подаждь, всем же чтущым и лю́бящым тя испроси христианскую кончину живота, безболезненну, непостыдну, мирну и добрый ответ на Страшнем Судищи Христове. Буди нам помощник и покровитель во спасение, да твоими молитвами сподобимся в нынешнем и будущем веце прославляти в Троице поклоняемаго Бога, Отца, и Сына, и Святаго Духа ныне и присно, и во веки веков. Аминь.

Молитва вторая

О, всеблаженный исповедниче Христов и великий чудотворче Иоанне, Еввии сокровище, Греческия страны похвало и людей Русских сродниче!

Ты в пленении агарянстем лю́тая мучения за Христа претерпел еси, благочестием же своим, подвиги и чудесы верныя премного укрепил еси, неверныя же умягчил еси и просветил еси, по кончине же безчисленными чудесы и исцеленьми просияваеши. Вемы, угодниче Божий, яко велие дерзновение имаши ко Господу, нам же, бедствующым, состраждеши тако тепле, яко не терпиши и зрети ны в лю́тых недузех или тяжких скорбех сущих, и сего ради и непризываемый скоро притекаеши, телеса и души врачуя, бесы изгоняя, заблуждшия обращая, наипаче же от младенец всякую болезнь и горесть отгоняя.

Се бо и ныне греси мнози отяготиша ны и изнуряющими скорбьми души наша сотрошася, силы же телесныя оскудеша, и како унынию и тягостней печали противостати возможем, аще не ты сам, святче Божий, востанеши по нас и противу врагов наших благодатне ополчишися! Испроси же, благоприятными твоими ко Господу молитвами, совершенное исцеление телесными недуги страждущим, всем же спасительное терпение и благодарение; скорби, бесовския наветы и искушения отврати; вся же, елика попустит Господь, научи во очищение понести благоразумне; нас же, во тьме неведения и забвения заповедей Божиих сущих, просвети, выну неуклонне творити волю Божию настави, бесплодия духовнаго разреши, очищение, освящение и просвещение душам нашим даруй; да с тобою вкупе прославим Всеблагаго Бога и Пречистую Богородицу во веки веков. Аминь.


11. Каракалл (греч. Μονή Καρακάλλου)

Православный монастырь на горе Афон. Одиннадцатый в иерархии афонских монастырей. Расположен на северо-востоке полуострова между Великой Лаврой и Ивером. В настоящее время монастырь насчитывает около 50 монахов.

Основан в XI веке, в XIII веке практически полностью запустел. Восстановлен при императоре Андронике II при участии Константинопольского Патриарха Афанасия, затем при Иоанне V. Однако впоследствии был полностью разграблен.

В очередной раз монастырь восстановлен валашским господарем Петром Рарешом с разрешения султана Сулеймана и его дочерью Роксандрой.


Святыни

Собор во имя Первоверховных апостолов Петра и Павла (построен в XVI веке)

Петрова башня (XVI век) — самая высокая из башен Афона

глава апостола Варфоломея

частица Животворящего Креста


Молитвы

Апостол Варфоломей (Нафанаил)

Тропарь, глас 3

Апостоли святии,/ молите Милостиваго Бога,/ да прегрешений оставление// подаст душам нашим.

Кондак, глас 4

Явился еси великое солнце вселенней/ учений сияньми и чудес страшных,/ световодя почитающия тя,/ Варфоломее,// Господень апостоле.

Молитва

О, преславный Апостоле Христов Варфоломее, душу за Христа предавший и кровию твоею пажить Его удобривший! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


12. Филофей (греч. Μονή Φιλοθέου)

Один из православных афонских монастырей, занимающий в святогорской иерархии 12-е место. Находится на северо-восточной стороне Афонского полуострова.

Монастырь основан в 982 году учеником святого Афанасия Афонского, Филофеем. Он поселился в келье, построенной в 8 веке и своей добродетельной и святой жизнью привлек многих подвижников. Вскоре на месте кельи был построен монастырь. Долгое время строения монастыря были деревянными и несколько раз пожар уничтожал почти все строения. С 1752 все строения монастыря возводились из камня.

При монастыре Филофей, как в древние времена так и сейчас, жили и живут монахи из разных стран. В нём сейчас проживают окло 60 монахов — греки, русские, американцы, канадцы, немцы, румыны. В своем житие братия руководствуется учением старца Иосифа Исихаста.


Святыни

В монастыре есть две чудотворные иконы. Первая - икона Пресвятой Богородицы «Сладкое лобзание». Стиль письма этой иконы не похож ни на одну из известных школ иконописи. Икона двусторонняя. На ней изображена Пресвятая Богородица, целующая Богомладенца. На обратной стороне — распятие Господа нашего Иисуса Христа: Господь на Кресте, а рядом предстоят Матерь Божия и апостол Иоанн Богослов. Из документов монастыря известно, что в 829—840 икона находилась в Константинополе в семье патриция Симеона и его жены Виктории. С началом периода иконоборчества Симеон, опасаясь гнева царя, убедил Викторию избавиться от иконы. Виктория после молитвы принесла икону на берег моря и положила её на воду. Произошло чудо — икона встала на поверхность моря и начала удаляться. В XI веке на праздник Пасхи игумену монастыря Филофей было явление Пресвятой Богородицы, в котором она указала, где найти её икону. Братия монастыря во главе с игуменом спустилась к берегу моря и увидела стоящий на воде образ Владычицы Небесной. Монахи взяли икону и поставили на землю. На этом месте забил источник, который течёт и по сей день. От иконы «Сладкое целование» происходило и происходит много чудес. В Греции она очень известна, её списки есть почти во всех храмах. По молитвам к ней больные исцеляются, бесплодные рожают детей, духовно ищущие находят утешение и мир.

Другая чудотворная икона Пресвятой Богородицы — «Милостивая». Она пришла в монастырь в 14 веке с подворья монастыря, находящегося рядом с городом Серос. Братья ночью пришли в храм на богослужение и увидели икону, висящую на стене. Икону узнали и унесли обратно, но она снова вернулась. Так повторялось несколько раз. С тех пор икона висит на том месте, которое она себе определила.

Монастырь имеет множество святынь. Из наиболее известных: частица Креста Господня (подаренная сербским царем Стефаном Душаном); нетленная благословляющая десница Иоанна Златоуста (подарок греческого царя Андроника); стопа Пантелеимона целителя (подарок последнего византийского царя Константина Палеолога); нетленное бедро святой великомученицы Марины.

В монастыре подвизались 7 прославленных святых: основатель монастыря святой Филофей; святые Дометий и его ученик Домиан; святой Феодосий; святой Симеон «босой»; святой равноапостольный Косма Этолийский; святой Дионисий Олимпийский.


Молитвы

Икона Богородицы «Сладкое Лобзание» («Гликофилуса»)

Тропарь, глас 7

Одержащей ереси, о честней иконе Твоей, Дево, яве промышляеши: морешествием Твоей обители, яко дар достоин приношаеши. Сию же мы Сладколюбящую праве нарицающе, Тя ублажаем.

Кондак, глас 8

Иже в храме и обители Твоей приходящия Ти и богоугодно спасительная гонящия и почитающая Твой святый образ сим даруй, Дево, Твоя милости, от всяких избавльши сих скорбей, Тебе вопиющия: радуйся, Едина Богоневестная.

Молитва

Приими, Всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния, и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно и во веки веков. Аминь.


Икона Богородицы «Милостивая» (Киккская)

Тропарь, глас 1

Притецем, людие, со дерзновением к Милостивой Царице Богородице, и умиленно воззовем к Ней: ниспосли, Владычице, милости Твоя богатыя, сохраняя во здравии и благоденствии грешныя рабы Твоя. Болящия исцели, скорбящия утеши и бедствующим помози. И сподоби нас, Премилостивая, благочестно житие сие земное скончати, христианскую непостыдную кончину получити и Небесное Царствие унаследовати. Град наш избави от всякаго злаго обстояния, ограждая Твоим милостивым заступлением. Мирови мир даруй и спасение душам нашим испроси.

Молитва

О, Пресвятая и преблагословенная Мати Господа, Бога и Спаса нашего Иисуса Христа, Милостивая Богородице и Приснодево Марие! Припадая к святей и чудотворней иконе Твоей, смиренно молимся Тебе, Благой и Милосердой Заступнице нашей: вонми гласу грешных молений наших, не презри воздыханий от души, виждь скорби и беды нас обышедшия, и яко любвеобильная воистину Мати потщися на помощь нам безпомощным, унылым, во многия и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконими нашими, но явит нам человеколюбную Свою милость. Испроси нам, Владычице, у благости Его, телесное здравие и душевное спасение, благочестное и мирное житие, земли плодоносие, воздуха благорастворение, дожди благовременны и благословение свыше на вся благая дела и начинания наша, и якоже древле призрела еси милостиво на смиренное славословие послушника Афонскаго, воспевавшаго Ти песнь хвалебную пред Пречистою иконою Твоею, и послала еси к нему Архангела Гавриила научити его пети песнь небесную, еюже славословят Тя ангели горе, сице приими благоутробно и наше ныне усердно приносимое Тебе молитвословие, и принеси е Сыну Твоему и Богу, да милостив будет Он нам грешным, и пробавит милость Свою всем чтущим Тя и с верою покланяющимся Святому Образу Твоему. О, Царице Всемилостивая, Мати Божия Всеблагая, простри к Нему Богоносныя Твои руце, имиже Его, яко младенца носила еси, и умоли Его вся ны спасти и избавити погибели вечныя. Яви нам, Владычице, Твоя щедроты: болящия исцели, скорбящия утеши, бедствующим помози: благопоспеши всем нам носити иго Христово в терпении и смирении, сподоби нас благочестно житие сие земное скончати, христианскую непостыдную кончину получити, и Небесное Царствие унаследити, Матерним ходатайством Твоим к рождшемуся от Тебе Христу Богу нашему, Емуже со Безначальным Его Отцем и Пресвятым Духом, подобает всякая слава, честь и поклонение, ныне и присно, и во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Святитель Иоанн Златоуст, Константинопольский, архиепископ

Тропарь, глас 8

Уст твоих, якоже светлость огня возсиявши, благодать/ вселенную просвети:/ не сребролюбия мирови сокровища сниска,/ высоту нам смиренномудрия показа./ Но твоими словесы наказуя, отче Иоанне Златоусте,// моли Слова, Христа Бога, спастися душам нашим.

Кондак, глас 1

Возвеселися таинственно честная Церковь/ возвращением честных твоих мощей,/ и, сия сокрывши, яко злато многоценное,/ поющим тя неоскудно подавает/ молитвами твоими исцелений благодать,// Иоанне Златоусте.

Кондак, глас 6

От Небес приял еси Божественную благодать/ и твоими устнами вся учиши/ покланятися в Троице Единому Богу,/ Иоанне Златоусте, всеблаженне преподобне,/ достойно хвалим тя:/ еси бо наставник,// яко Божественная являя.

Молитва

О, святителю великий Иоанне Златоусте! Многая и различная дарования от Господа приял еси и, яко раб благий и верный, вся, данный тебе, таланты добре умножил еси, сего ради воистинну вселенский учитель был еси, яко всяк возраст и всяко звание от тебе поучается. Ты еси отроком - послушания образ, юным - целомудрия светило, мужем - трудолюбия наставник, старым - незлобия учитель, иноком - воздержания правило, молящимся - вождь, от Бога вдохновенный, мудрости ищущим - ума просветитель, витиям доброглаголивым - слова живаго источник неисчерпаемый, благотворящим - милосердия звезда, начальствующим - правления мудраго образ, правды ревнителем - дерзновения вдохновитель, правды гонимым - терпения наставник, всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования во единем лице твоем во едино совокупил еси и туюжде любовь, разделенная примиряющую, в толковании словес апостольских всем верным проповедал еси. Мы же, грешнии, по единому кийждо свое дарование имуще, единения духа в союзе мира не имамы, бываем тщеславии, друг друга раздражающе, друг другу завидяще, сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отженй от сердец наших всяку гордость и зависть, нас разделяющия, да во мнозех удех едино тело церковное будет, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.


Великомученица Марина (Маргарита) Антиохийская

Тропарь, глас 4

Агница Твоя, Иисусе, Марина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Ин кондак, глас 3

Марина днесь вражию главу сокрушает,/ победы венец с Небесе приемши./ Егоже бо пророцы удержати не возмогоша,/ того она, связавши, уязви./ Сего ради показася мучеником украшение, вкупе же и похвала.

Молитва

О святая дево и великомученице Марино, истинная Жениха твоего Христа невесто, во граде Антиохии за веру Христову пострадавшая, сквозе огнь и воду прошедшая и в Царствии Небеснем водворившаяся! Ты от юности всею душею и всем сердцем возлюбила еси Христа, Бога нашего, Тому единому послужити желающи. Ты силою благочестия своего, целомудрием и праведностию просияла еси, поживши свято и непорочно посреде неверных. Ты, благодатию Божиею от ран дивно исцеленная, изумила еси мучителей твоих и многих неверных привела еси к познанию Истиннаго Бога. Ты силою Божиею попрала еси диавола, явльшагося пред очима твоима, и благодать прияла еси во брани врага рода человеческаго побеждати. Ты еси всея Церкве Христовы светильник пресветлый, теплая к Богу молитвенница и всем прибегающим к тебе с верою скорая заступница. О святая Марино, руководи нас к Небесному Отечеству, подаждь нам ревность о спасении, направи стопы наша к деланию заповедей Христовых, на путь подвига духовнаго и исправления жизни. Поминай нас молитвою твоею, помози всем нам жити целомудренно, праведно и благочестиво. Услыши ны, страстотерпице Христова, и умоли Человеколюбца Бога, да подаст Он ходатайством твоим Отечеству нашему мир и благоустроение, всем православным христианом утверждение в вере, благочестии и чистоте, да укрепит в нас братскую любовь, да очистит нас, грешных, от скверны и пороков, да сохранит нас от действа вражия, и помилует Своею благодатию, и Царствия Небеснаго наследники соделает, идеже купно с тобою прославим дивнаго во святых Своих Бога, Отца и Сына и Святаго Духа, всегда, ныне и присно, и во веки веков. Аминь.


13. Симонопетра (греч. Μονή Σιμωνόπετρα — Монастырь «Симонов камень») или Монастырь Симона Петра (греч. Μονή Σίμωνος Πέτρας)

Один из 20-ти «правящих» монастырей на Святой Горе Афон в Греции. Занимает 13-е место в современной иерархии монастырей Афона.

Основан в 1257 году прп. Симеоном. Расположен на вершине скалы, на высоте 330 метров над уровнем моря. В 1363 году перестроен стараниями сербского деспота Йована Углеши Мрнявчевича.

Страдал от многочисленных пожаров (в 1570, 1622 и 1891 гг.). По этой причине неоднократно перестраивался. Во все времена монастырь оставался центром просвещения на Афоне. В Симонопетре по сей день сохраняется уникальная библиотека греческих и латинских рукописей.

В настоящее время на территории монастыря имеется 4 храма, а также 8 храмов вне его территории. Главным собором монастыря является храм Рождества Христова, построенный в 1600 г. и перестроенный, после пожара, в 1891 г.

Численность всех монахов, послушников и келлиотов монастыря, находящихся на Святой Горе Афон, в настоящее время колеблется от 80 до 90 человек. Вне Святой Горы на метохах и подворьях монастыря находятся 40 человек. Таким образом, общая численность братства монастыря на Афоне и за его пределами доходит до 120-130 монахов.

Хор монастыря Симонопетра известен во всём мире.


Святыни

Среди многочисленных святынь монастыря особо выделяют:

Десница Марии Магдалины, сохраняющаяся нетленной уже 2000 лет

Часть Животворящего Креста Господня

Часть мощей прмч. Евдокии

Часть мощей вмч. Варвары


Молитвы

Равноапостольная Мария Магдалина, мироносица

Тропарь, глас 1

Христу, нас ради от Девы рождшемуся,/ честная Магдалино Марие, последовала еси,/ Того оправдания и законы хранящи./ Темже днесь всесвятую твою память празднующе,/ грехов разрешение// молитвами твоими приемлем.

Кондак, глас 3

Предстоящи, преславная, у Креста Спасова со иными многими,/ и Матери Господни состраждущи, и слезы точащи,/ сие в похвалу приношаше, глаголющи:/ что сие есть странное чудо?/ Содержай всю тварь пострадати изволи.// Слава державе Твоей.

Молитва

О святая мироносице и всехвальная равноапостольная Христова ученице Магдалино Марие! К тебе, яко верней и мощней о нас к Богу ходатаице, грешнии и недостойнии, ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, но благодатию Христовою явно тех свободилася еси, и нас молитвами твоими от сети бесовския избави, да выну во всем житии нашем делом, словом, мыслию и тайными помышлении сердец наших верно послужим единому Святому Владыце Богу, якоже Тому обещалися есмы. Ты паче всех благ земных сладчайшаго Господа Иисуса возлюбила еси и Тому чрез все житие добре последовала еси, Божественными учении Его и благодатию не токмо свою душу питающи, но и множество людей от тьмы языческия ко Христа чудному свету приводящи; то ведуще, просим тя: испроси нам у Христа Бога благодать просвещающую и освящающую, да, ею осеняеми, преуспеваем в вере и благочестии, в подвизех любве и самоотвержения, да неленостно тщимся служити ближним в их нуждах духовных и телесных, памятующе пример твоего человеколюбия. Ты, святая Марие, бодренно благодатию Божиею протекла еси житие на земли и мирно отшла еси во обители Небесныя, моли Христа Спаса, да молитвами твоими сподобит нас непреткновенно совершити странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на Небеси сподобимся и тамо с тобою и всеми святыми вкупе выну восхвалим Троицу Нераздельную, воспоим Едино Божество, Отца и Сына и Духа Всесвятаго, во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Великомученица Варвара Илиопольская

Ин тропарь, глас 4

Агнице всеблаженная Варваре,/ Божественне озарившися Светом Святыя Троицы Трисолнечным/ и в купели утвердившися,/ в побеждение лести отеческия/ веру исповедала еси Христову./ Тем, всечестная, свыше благодать тебе дарова Бог/ исцеляти недуги и болезни вся./ Егоже моли, великомученице,/ да спасет души, наша.

Тропарь, глас 8

Варвару святую почтим:/ вражия бо сети сокруши/ и, яко птица, избавися от них// помощию и оружием Креста, всечестная.

Кондак, глас 4

В Троице благочестно певаемому/ последовавши Богу, страстотерпице,/ идольская притупила еси чтилища,/ посреде же подвига страдальчествующи, Варваро,/ мучителей прещения не устрашилася еси, мужемудренная,/ велегласно поющи присно:// Троицу чту, Едино Божество.

Молитва

Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них Самаго Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему — безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков. Аминь.


14. Монастырь Святого Павла (греч. Μονή Αγίου Παύλου)

Один из афонских монастырей, занимающий в святогорской иерархии 14-е место. Находится в юго-западной части Афонского полуострова, у западного склона горы Афон, в 1,5 км от побережья на высоте ~ 150 метров над уровнем моря.

Монастырь был основан в конце IX века святым Павлом Ксиропотамским, сыном императора Михаила I и посвящён Божией Матери.

В XIV веке обитель пришла в запустение. Начавшееся в 1365 году возрождение монастыря связано с именами сербских монахов Герасима (Радони) и Антония (Пагаси). Правители Сербии Лазарь и Георгий Бранковичи оказывали монастырю значительную материальную поддержку. Дочь Георгия Бранковича принцесса Мара Бранкович много покровительствовала монастырю в тяжелые годы, последовавшие за падением Константинополя. Она передала обители Дары волхвов. Как повествует предание, принцесса Мара намеревалась сама внести эту святыню в монастырь, но ей свыше было строго запрещено нарушать афонское правило. На месте передачи реликвии с тех пор стоит памятник в виде небольшой часовни.

Общее число братии обители вместе с насельниками скитов составляет 110 человек. Кроме иноков греческого происхождения, в монастыре живут и изучают афонскую монашескую традицию монахи и послушники, прибывшие из России, Ливана, Сирии, Румынии, Англии и Америки.

Библиотека монастыря содержит 494 рукописи и 12 тысяч печатных книг.


Святыни

Монастырь в плане представляет собой четырёхугольник, окружён высокими крепостными стенами. Соборный храм монастыря посвящён Сретению Господню, украшен одиннадцатью главами и имеет два придела — в честь великомученика Георгия Победоносца и преподобного Павла Ксиропотамского. В обители находятся древние чтимые иконы Пресвятой Богородицы «Мироточивая» и «Зерцало».

В число реликвий монастыря входят Дары волхвов младенцу Христу, крест с частицей Животворящего Креста, частицы мощей Григория Богослова, Максима Исповедника, преподобномученика Калиника, Василия Великого, глава Феодоры Александрийской и другие.


Молитвы

Икона Богородицы Иверская Монреальская, Мироточивая

Тропарь, глас 7

От святыя иконы Твоея, о, Владычице Богородице, миро благодатное источила еси обильно, верныя Твоя во изгнании сущия утешила еси и неверныя светом Сына Твоего просветила еси. Темже и припадаем к Тебе, Госпоже, со слезами: милостива нам буди в час судный, да некако толикую милость Твою восприявше, яко презорливи наказани будем, но подаждь нам Твоими молитвами плод духовный принести и спаси души наша.

Молитва

О, Преславная Госпоже, Царице Небесе и земли, Дево Богородице! Пред честною иконою Твоею ныне припадающе, умиленным сердцем вопием Тебе малое моление сие наше, яко раби неключими есмы, осуждение прияти имущии, но Твоим всемощным ходатайством Судии умилостивления чающии. Веруем и уповаем, Владычице, яко не хотяй смерти грешных Сын Твой ходатайству Твоему внемлет, и ныне известихомся о сем чудным знамением от иконы Твоея мироточивыя, от неяже и исцеления обильно источила еси всем с верою и любовию к Тебе притекающим. Сего ради и вопием Тебе со слезами: пощади окаянство наше, прости нам неверность нашу, сокруши гордыни нашея превозношение, отжени нечувствие от сердец ожесточенных, призри на воздыхание унынием боримых, уцеломудри нас будущаго воздаяния ожиданием. И подаждь, Госпоже, Церкви нашей в истине неколебимое стояние и в любви благое возращение, от всех козней бесовских и суемудрии еретических покрый нас и расточенныя верныя собери воедино, да вси на земли православно Тя славящии и в Небесных чертозех воспети сподобятся всечестное имя Святыя Троицы и Твое милостивное о нас заступление во веки веков. Аминь.


Молитвы, совершаемые перед Дарами волхвов

Тропарь, глас 1

Всечестным Твоим Даром: злату, ливану, смирне, яже от восток халдейския земли принесоша волсви, возложением же рук Твоих, Иисусе, благодать Твою приемшим, покланяемся и почитаем благоговейно, вопиюще Ти, Всещедре: слава Рождеству Твоему, Благий, слава Божественным Даром Твоим, имиже подаеши нам верным всем исцеления.

Кондак, глас 4

От Персиды происшедше волсви Дары принесоша Христу Рожденну: злато, вкупе же и смирну, и ливан, ихже яко многоценное сокровище стяжавши, Павла богомудраго обитель святая освящение черплет и просвещение поклонением им с верою.

Молитва

Владыко Господи Иисусе Христе Боже наш, безначального Отца Соприсносущный Слове и Сыне и Святому Духу Содетельный и Собезначальный, Иже за безмерную милость человеколюбия вселивыйся в Пречиствую и Пренепорочную Деву, и из Нея, не претерпев изменения, родивыйся плотию в Вифлееме Иудейстем, и возродивый и возсоздавый естество наше от древния клятвы. Ты, Господи, Иже от колена Иудова возсиявый, яко звезда от Иакова, не оставль недра Отча, и еже по плоти Твоим Рождеством призвавый от Персиды волхвы в поклонение Тебе, иже необычною и светлою звездою путешествовавше, приидоша в Вифлеем, и, отверзше сокровища своя, принесоша Тебе Дары многочестныя: злато, ливан и смирну, Твою Славу и Божество проявляющия. Како воспоем, Господи, несравненное человеколюбие Твое? Яко сия многоценныя и священнейшия Дары, освященныя осязаньми и прикосновеньми Пречистых Твоих рук, оставил еси нам яко сокровище богодарованное освящающия Твоея благодати и утешение скорбящим, и исцеление душам и телесем, небесное испущающия благоухание, Владыко, веселящее и услаждающее сердца наша. Всяк бо приступаяй и покланяяйся им благоговейне исполняется веселия и обретает Божественныя Твоея милости тайная и неисповедимая подаяния, воспевая Твое неизреченное по плоти рождество, Человеколюбче Господи.

Сия предложенная и верно покланяемая возводят души наша к совершенной любви Твоей, Спасе, очищают ум наш и возжизают в сердцах наших блаженный и животворящий огнь, егоже пришел еси воврещи на землю, Владыко Всещедре. Даждь убо нам, Господи, сим Даром поклонением и сущим в них благодатным подаянием благодати Твоея силу на страсти, крепость душевную, здравие телесное, Божественную ревность к вящшей духовной жизни, любовь нелицемерну, покаяние чистое и всякое благое дарование ко спасению вечному.

Сохрани же и покрый и град сей, приемший сия яко многоценное сокровище, и небесное богатство, и святыню умную и Божественную.

Ты бо еси Спас и Упование наше, Иже волею младенствовавый, и в вертепе рождейся, и предлежащия Дары: злато, ливан и смирну приемый от волхвов, восточных царей, и Тебе славу и благодарение возсылаем, со Безначальным Твоим Отцем и Пресвятым, и Благим, и Животворящим Твоим Духом, ныне, и присно, и во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Святитель Григорий Богослов, Назианзин, Младший, Константинопольский, архиепископ

Тропарь, глас 1

Пастырская свирель богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Кондак, глас 3

Богословным языком твоим сплетения риторская разрушивый, славне, Православия одеждею свыше истканною Церковь украсил еси, юже и носящи, с нами зовет твоими чады: радуйся, отче, богословия уме крайнейший.

Молитва первая

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Молитва вторая

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.


Преподобный Максим Исповедник

Тропарь, глас 8

Православия наставниче,/ благочестия учителю и чистоты,/ вселенныя светильниче,/ монашествующих Богодухновенное удобрение,/ Максиме премудре,/ ученьми твоими вся просветил еси,/ цевнице духовная,// моли Христа Бога спастися душам нашим.

Кондак, глас 6

Свет Трисиянный, всельшийся в душу твою,/ сосуд избран показа тя, всеблаженне,/ являюща Божественная концем,/ неудобопостижных разумений ты сказуяй, блаженне,/ и Троицу всем, Максиме, возпроповедуяй ясно,// Пресущную, Безначальную.

Кондак, глас 8

Троицы рачителя и великаго Максима,/ научающа ясно вере Божественней,/ еже славити Христа, во дву естествах, волях же и действах суща,/ в песнех достойных, вернии, почтим, взывающе:/ радуйся, проповедниче веры.

Молитва

О священная главо, преподобне отче, преблаженне авво Максиме, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.


Святитель Василий Великий, Кесарийский (Каппадокийский), архиепископ

Тропарь, глас 1

Во всю землю изыде вещание твое,/ яко приемшую слово твое,/ имже боголепно научил еси,/ естество сущих уяснил еси,/ человеческия обычаи украсил еси,/ царское священие, отче преподобне,/ моли Христа Бога// спастися душам нашим.

Кондак, глас 4

Явился еси основание непоколебимое Церкве,/ подая всем некрадомое господьство человеком,/ запечатлея твоими веленьми,// небоявленне Василие преподобне.

Молитва

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.


Преподобная Феодора Александрийская Младшая

Тропарь, глас 8

В тебе мати известно спасеся еже по образу:/ приимши бо крест, последовала еси Христу,/ и деющи учила еси, презирати убо плоть, преходит бо,/ прилежати же о души вещи безсмертней:/ темже и со Ангелы срадуется, преподобная Феодоро, дух твой.

Кондак, глас 2

Тело твое постами изнуривши, / бденными молитвами Творца умолила еси о гресе твоем, / яко да приимеши совершенное прощение, / и прияла еси оставление, путь покаяния показавши.


15. Ставроникита (греч. Μονή Σταυρονικήτα)

Один из афонских монастырей, занимающий в святогорской иерархии 15-е место. Находится в восточной части Афонского полуострова; основан в X веке.

Своё название монастырь получил от предания о том, что на его месте когда-то жил отшельник Никита, изготавливавший кресты (Ставроникита — значит «крест Никиты»). Первоначальная обитель была посвящена Иоанну Крестителю, но была полностью разрушена в эпоху Крестовых походов. Современный монастырь основал константинопольский патриарх Иеремия I. Благодаря обретению на его месте иконы Николая Чудотворца XIII- XIV вв. соборный храм был освящён во имя этого святого.

Монастырь имеет небольшие размеры, обнесён каменной крепостной стеной с высокой башней, стены завершают келейные постройки монастыря. Сегодня в монастыре живут 30 монахов.


Святыни

Кафоликон монастыря построен в XVI веке, его украшают фрески Феофана Критского (фрески его работы также сохранились в трапезной). В число монастырских святынь входят: мозаичная икона Николая Чудотворца, обретённая в море, частица Животворящего Креста, частицы мощей Василия Великого, Иоанна Златоуста, Григория Богослова, архидиакона Стефана, 40 севастийских мучеников, Феодора Стратилата, Амвросия Медиоланского, Иоанна Предтечи и других.

Библиотека монастыря содержит 171 рукопись (58 на пергаменте) и 2500 печатных книг.


Молитвы

Святитель Николай Мирликийский, чудотворец, архиепископ

Тропарь, глас 4

Приспе день светлаго торжества,/ град Барский радуется,/ и с ним вселенная вся ликовствует/ песньми и пеньми духовными:/ днесь бо священное торжество/ в пренесение честных и многоцелебных мощей/ святителя и чудотворца Николая,/ якоже солнце незаходимое, возсия светозарными лучами,/ разгоняя тьму искушений же и бед/ от вопиющих верно:// спасай нас, яко предстатель наш, великий Николае.

Ин тропарь, глас 4

Отечество свое, Миры Ликийския, не оставль духом,/ во премирный град Барский преславно телом пренесеся, архиерею Николае./ И оттуду множество человеческое своим пришествием возвеселил еси/ и болящия исцелил еси./ Темже тя молим, святителю Николае,/ моли Христа Бога,/ да спасет души наша.

Кондак, глас 3

Взыде, яко звезда, от востока до запада/ твоя мощи, святителю Николае,/ море же освятися шествием твоим,/ и град Барский приемлет тобою благодать:/ нас бо деля явился еси чудотворец изящный,// предивный и милостивый.

Молитва

О, всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю вселенную, ты еси праведник, яко финикс процветший, насажденный во дворех Господа своего: живый в Мирех, миром благоухал еси, и миро приснотекущее благодати Божия источаеши. Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне. О, преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед, тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими Богоприятными молитвами вся полезная ко спасению душ и телес наших: сохрани святую обитель сию (или: храм сей), всякий град и весь, и всякую страну христианскую, и люди живущыя, от всякого озлобления помощию твоею: вемы бо, вемы, яко много может молитва праведнаго, поспешествующая во благое: тебе же праведнаго по преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощи и отверзи двери милосердия Божия; понеже недостойны есмы зрети высоту небесную, от множества неправд наших: связани есмы узами греховными, и николиже воли Создателя нашего сотворихом, ни сохранихом повелений Его. Тем же преклоняем колена сокрушенна и смиренна сердца нашего к Зиждителю своему, и твоего отеческаго заступления к нему просим: помози нам, угодниче Божий, да не погибнем со беззаконии нашими, избави нас от всякого зла, и от всякие вещи сопротивныя, управи ум наш, и укрепи сердце наше в правой вере, в ней же твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще Отца и Сына и Святаго Духа, Единаго в Троице славимаго и поклоняемаго Бога, ныне и присно, и во веки веков. Аминь.


Тропарь, кондак, величание и задостойник Воздвижения Креста Господня

Тропарь, глас 1

Спаси, Господи, люди Твоя/ и благослови достояние Твое,/ победы на сопротивныя даруя// и Твое  сохраняя Крестом Твоим жительство.

Кондак, глас 4

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

Задостойник, глас 8-й

Таин еси, Богородице, рай, невозделанно возрастивший Христа, Имже Крестное живоносное на земли насадися древо. Тем ныне возносиму, покланяющеся ему, Тя величаем.


Святитель Василий Великий, Кесарийский (Каппадокийский), архиепископ

Тропарь, глас 1

Во всю землю изыде вещание твое,/ яко приемшую слово твое,/ имже боголепно научил еси,/ естество сущих уяснил еси,/ человеческия обычаи украсил еси,/ царское священие, отче преподобне,/ моли Христа Бога// спастися душам нашим.

Кондак, глас 4

Явился еси основание непоколебимое Церкве,/ подая всем некрадомое господьство человеком,/ запечатлея твоими веленьми,// небоявленне Василие преподобне.

Молитва

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.


Святитель Иоанн Златоуст, Константинопольский, архиепископ

Тропарь, глас 8

Уст твоих, якоже светлость огня возсиявши, благодать/ вселенную просвети:/ не сребролюбия мирови сокровища сниска,/ высоту нам смиренномудрия показа./ Но твоими словесы наказуя, отче Иоанне Златоусте,// моли Слова, Христа Бога, спастися душам нашим.

Кондак, глас 1

Возвеселися таинственно честная Церковь/ возвращением честных твоих мощей,/ и, сия сокрывши, яко злато многоценное,/ поющим тя неоскудно подавает/ молитвами твоими исцелений благодать,// Иоанне Златоусте.

Кондак, глас 6

От Небес приял еси Божественную благодать/ и твоими устнами вся учиши/ покланятися в Троице Единому Богу,/ Иоанне Златоусте, всеблаженне преподобне,/ достойно хвалим тя:/ еси бо наставник,// яко Божественная являя.

Молитва

О, святителю великий Иоанне Златоусте! Многая и различная дарования от Господа приял еси и, яко раб благий и верный, вся, данный тебе, таланты добре умножил еси, сего ради воистинну вселенский учитель был еси, яко всяк возраст и всяко звание от тебе поучается. Ты еси отроком - послушания образ, юным - целомудрия светило, мужем - трудолюбия наставник, старым - незлобия учитель, иноком - воздержания правило, молящимся - вождь, от Бога вдохновенный, мудрости ищущим - ума просветитель, витиям доброглаголивым - слова живаго источник неисчерпаемый, благотворящим - милосердия звезда, начальствующим - правления мудраго образ, правды ревнителем - дерзновения вдохновитель, правды гонимым - терпения наставник, всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования во единем лице твоем во едино совокупил еси и туюжде любовь, разделенная примиряющую, в толковании словес апостольских всем верным проповедал еси. Мы же, грешнии, по единому кийждо свое дарование имуще, единения духа в союзе мира не имамы, бываем тщеславии, друг друга раздражающе, друг другу завидяще, сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отженй от сердец наших всяку гордость и зависть, нас разделяющия, да во мнозех удех едино тело церковное будет, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.


Святитель Григорий Богослов, Назианзин, Младший, Константинопольский, архиепископ

Тропарь, глас 1

Пастырская свирель богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Кондак, глас 3

Богословным языком твоим сплетения риторская разрушивый, славне, Православия одеждею свыше истканною Церковь украсил еси, юже и носящи, с нами зовет твоими чады: радуйся, отче, богословия уме крайнейший.

Молитва первая

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Молитва вторая

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.


Апостол от 70-ти Стефан, первомученик, архидиакон

Тропарь, глас 4

Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.

Ин тропарь, глас 3

Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.

Кондак, глас 6

Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.

Молитва

Первый во диаконех, первый и в мученицех показался еси, святый Стефане, апостоле, исполнь бо веры и силы во учении и в знамениих велик явился еси, и никтоже возможе противустати премудрости и духу, имиже глаголал еси, лице же твое на сонмищи видено бысть, яко лице ангела. Темже, исполнен Святаго Духа быв, видел еси отверстое небо и славу Божию и Сына человеча, Господа нашего Иисуса Христа, одесную стояща Бога Отца. Таже и от жестоковыйных и убийц иудеев камением пред лицем Преблагословенныя и молящияся о тебе Девы, Матере Его, побиваемь, преклонь колена, возопил еси гласом велиим: Господи, не постави им греха сего! И тако дух твой Господу Иисусу радостно предал еси. Сего ради молитвенника и предстателя тя стяжахом, колена души и сердца нашего преклоньше, тя молим: воздежи руце твои ко Господу, и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию и твоим предстательством и заступлением Пресвятыя Матере Своея в день он, страшный и праведный, да не поставит пред нами грехи наша, но по щедротам Своим, тобою умолен быв, да речет души нашей: спасение ваше есмь Аз во веки веков. Аминь.


Сорок Севастийских мучеников

Тропар, глас 1

Болезньми святых, имиже о Тебе пострадаша,/ умолен буди, Господи,/ и вся наша болезни исцели,/ Человеколюбче, молимся.

Ин тропарь, глас 1

Страстотерпцы всечестнии,/ воини Христовы четыредесяте,/ твердии оружницы,/ сквозе бо огнь и воду проидосте/ и Ангелом сограждане бысте,/ с нимиже молитеся Христу о иже верою хвалящих вас./ Слава Давшему вам крепость,/ слава Венчавшему вас,/ слава Подавающему вами всем исцеления.

Кондак, глас 6

Все воинство мира оставльше,/ на Небесех Владыце прилепистеся,/ страстотерпцы Господни четыредесять,/ сквозе огнь бо и воду прошедше, блаженнии,/ достойно восприясте славу с Небес/ и венцев множество.

Молитва

О, святии, славнии страстотерпцы Христовы, четыредесяте, во граде Севастии Христа ради мужественно пострадавшии, чрез огнь бо и воду проидосте и, яко друзи Христовы, в покой Небеснаго Царствия вшедше, имате велие дерзновение ко пресвятей Троице ходатайствовать о роде христианском, наипаче же о почитающих святую память вашу и с верою и любовию вас призывающих. Испросите у Всещедраго Бога прощение согрешений наших и жития нашего исправление, да, в покаянии и нелицемерной любви друг, ко другу поживше, со дерзновением предстанем Страшному Судищу Христову и вашим предстательством одесную Праведнаго Судии предстанем. Ей, угодницы Божии, будите нам защитницы от всех враг, видимых и невидимых, да под кровом святых ваших молитв избавимся от всех бед, зол и напастей до последняго дне жизни нашея и тако прославим великое и достопоклоняемое Имя Вседетельныя Троицы, Отца, Сына и Святаго Духа, ныне и присно и во веки веков. Аминь.


Великомученик Феодор Стратилат, Гераклийский

Тропарь, глас 4

Воинствословием истинным, страстотерпче,/ Небеснаго Царя воевода предобрый был еси, Феодоре,/ оружиями бо веры ополчился еси мудренно,/ и победил еси демонов полки,/ и победоносный явился еси страдалец./ Темже тя верою// присно ублажаем.

Кондак, глас 2

Мужеством души в веру оболкийся/ и глагол Божий, аки копие, в руку взем,/ врага победил еси,/ мучеников превелий Феодоре,// с ними Христу Богу моляся не престай о всех нас.

Молитва

О святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемаго от Своего благосердия Бога, да милостивно услышит нас, благостыни у Него просящих, и вся наша ко спасению и житию нужная прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и во веки веков.


Святитель Амвросий Медиоланский, епископ

Тропарь, глас 4

Правило веры и образ кротости,/ воздержания учителя/ яви тя стаду твоему/ Яже вещей Истина./ Сего ради стяжал еси смирением высокая,/ нищетою богатая,/ отче Амвросие,/ моли Христа Бога,// спастися душам нашим.

Ин кондак, глас 8

Изрядно слово жизни стяжав, отче мудре,/ не усумнеся высоты царския, богонаказательне царя обличи и умудрив./ Тем паче честне почтеся и людей своих паству к Богу настави./ Сего ради зовем ти:/ радуйся, Амвросие предивне.

Кондак, глас 3

Божественными догматы облистая,/ помрачил еси Ариеву прелесть, священнотаинниче и пастырю Амвросие,/ чудодействуя же силою Духа,/ страсти различныя яве исцелил еси, отче преподобне,// Христа Бога моли, спастися душам нашим.

Молитва

О преславный чудотворче, в скорбех скорый помощниче и усердный о мире к Богу молитвенниче, отче святый Амвросие!

Вемы, яко велие ко Спасу имаши дерзновение, предстоя горнему престолу Его, и сего ради смиренно припадаем ти: молися Ему, угодниче Божий, да подаст народу Российскому благоденственное и мирное житие, да избавит от враг видимых и невидимых, от нашествия иноплеменных, от недуга и глада, от всякия скорби и смертоносныя язвы и от всякаго зла; нам же всем, верою празднующим святую память твою и усердно ходатайства твоего чающим, да ниспослет вся благопотребная ко временному и вечному житию нашему, паче же оставление грехов, мир помыслов, тишину сердечную, здравие душам и телесем нашим.

Ей, святителю Божий, пастырю Христов милостивейший, Покровителю наш готовейший!

Услыши нас, еще единаго от тебе просящих: буди теплый молитвенник и предстатель ко Господу о духовных пастырех и отцех наших (имена), иже немощи наша носят и матерски о нас болезнуют, дондеже возобразится в нас Христов, да сохранит Он, всеблагий и вся могущий Владыка, дражайшия дни жития их в нерушимом мире и крепости сил духовных и телесных, да приведет нас, недостойных рабов Своих, их окормлением и молитвами, твоим же ходатайством и заступлением ко пристанищу жизни нескончаемыя, идеже херувими и серафими, святии вси с Богородицею и с тобою, покровителем нашим, непрестанными гласы славят Отца, и Сына, и Святаго Духа, ныне и присно и во веки веков. Аминь.


Пророк Предтеча и Креститель Господень Иоанн

Тропарь Рождеству Иоанну Предтече, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством,// и воплощение Сына Божия мирови проповедуется.

Кондак Предтечи, глас 6

Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.

Кондак Предтечи, глас 6

Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.

Кондак Предтечи, глас 5

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Кондак Предтечи, глас 1

Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.


16. Ксенофонт (греч. Μονή Ξενοφώντος)

Один из афонских монастырей, занимающий в святогорской иерархии 16-е место. Находится в западной части Афонского полуострова.

Монастырь основан в X веке греческим вельможей Ксенофонтом от имени которого и получил своё название. Соборный храм обители посвящён Георгию Победоносцу (сохранилось два здания — старый кафоликон XVI века и новый XIX века).

Сегодня в монастыре живут 30 монахов.

Библиотека монастыря содержит 300 рукописей и 4 000 печатных книг.


Святыни

Среди святынь монастыря находятся части мощей великомученицы Марины, святого Модеста, Иакова Персянина, священномученика Харалампия, великомученика Пантелеймона, мученицы Параскевы.


Молитвы

Великомученик Георгий Победоносец

Тропарь, глас 4

Яко пленных свободитель/ и нищих защититель,/ немощствующих врач,/ православных поборниче,/ победоносче, великомучениче Георгие,/ моли Христа Бога// спастися душам нашим.

Ин тропарь, глас 4

Подвигом добрым подвизался еси,/ страстотерпче Христов,/ верою и мучителей обличил еси нечестие,/ жертва же благоприятна Богу принеслся еси./ Темже и венец приял еси победы/ и молитвами, святе, твоими всем подавши// прегрешений прощение.

Тропарь, глас 4

Днесь блажат тя мира концы,/ Божественных чудес исполншеся,/ и земля радуется, напившися крове твоей./ Христоименитии же людие града Киева/ освящением Божественнаго храма твоего радостию возвеселишася,/ страстотерпче Георгие,/ сосуде избранный Святаго Духа, угодниче Христов./ Егоже моли/ с верою и мольбою приходящим во святый твой храм/ дати очищение грехов,// умирити мир и спасти души наша.

Кондак, глас 4

Возделан от Бога,/ показался еси благочестия делатель честнейший,/ добродетелей рукояти собрав себе:/ сеяв бо в слезах, веселием жнеши,/ страдальчествовав же кровию, Христа приял еси,/ молитвами, святе, твоими всем подаеши// прегрешений прощение.

Кондак, глас 8

К возбранному и скорому заступлению Твоему прибегше, вернии,/ молим избавитися, страстотерпче Христов,/ от соблазн вражиих воспевающим тя,/ и всяких бед, и озлоблений, да зовем:// радуйся, мучениче Георгие.

Кондак, глас 2

Божественнаго и венценоснаго великомученика Христова Георгия,/ на враги победу вземшаго одоления,/ сошедшеся верою во освященный храм, восхвалим,/ егоже благоволи Бог создати во имя его,// Един во святых почиваяй.

Молитва 1-я великомученику Георгию

Святый, славный и всехвальный великомучениче Георгие! Собраннии в храме твоем и пред иконою твоею святою покланяющиися людие, молим тя, известный желания нашего ходатаю, моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих врагов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.

Молитва 2-я великомученику Георгию

О, всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим даруемая нам тобою от Всещедраго Бога, но во славу святаго Имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и неосужденным предстати Престолу Господа славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати и Того выну славити со Отцем и Святым Духом ныне, и присно, и во веки веков. Аминь.


Великомученица Марина (Маргарита) Антиохийская

Тропарь, глас 4

Агница Твоя, Иисусе, Марина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Ин, глас 3

Марина днесь вражию главу сокрушает,/ победы венец с Небесе приемши./ Егоже бо пророцы удержати не возмогоша,/ того она, связавши, уязви./ Сего ради показася мучеником украшение, вкупе же и похвала.

Кондак, глас 3

Девства добротами преиспещренна, дево,/ нетленными венцы венчалася еси, Марино,/ кровьми же мученичества обагрена,/ чудесы просветившися исцелений,/ благочестно, мученице, прияла еси почесть победы твоего страдания.


Великомученик Иаков Персиянин

Тропарь, глас 4

Мучении странноужасными и доблестию терпения/ всех преудивил еси, многострадальне,/ над коимждо составом удеси резания,/ благодарны мольбы предивне изрекл еси Господу./ Тем, во страдании твоем венец прием,/ к Престолу возшел еси Небеснаго Царя Христа Бога, Иакове,// Того моли спасти души наша.

Кондак, глас 2

Уверився доброю сопружницею, терпеливодушне,/ и Страшнаго Судища убоявся,/ персское повеление и страх, Иакове, поплевал еси/ и явился еси мученик честный,// телом, яко розга, режем.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.



Великомученица Параскева Пятница

Тропарь, глас 4

Премудрая и всехвальная Христова мученица Параскева,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,/ спаси души наша.

Ин тропарь, глас 8

Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

Кондак, глас 3

Всесвятое и непорочное мучение принесши,/ яко вено пречестное, безсмертному Жениху Христу,/ Ангельское ликостояние возвеселила еси/ и победила еси демонския козни./ Сего ради тя честно верою чтим,/ мученице Параскево многострадальная.

Молитва

Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его, Человеколюбца, и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим все пречестное и великолепое имя дивнаго во святых Своих истиннаго Бога, Отца, и Сына, и Святаго Духа, всегда, ныне и присно, и во веки веков. Аминь.

Молитва иная

О, святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О, великая угодница Божия! О, мужественнейшая дево! О, крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.


17. Григориат (реч. Μονή Οσίου Γρηγορίου)

Один из афонских монастырей, занимающий в святогорской иерархии 17-е место. Находится в юго-восточной части Афонского полуострова; основан в XIV веке аскетом Грегорием от которого монастырь получил своё название. Соборный храм монастыря, построенный в XVIII веке, освящён во имя святителя Николая.

Братия насчитывает 70 монахов.

Библиотека монастыря содержит 297 рукописей (11 на пергаменте) и 4 000 печатных книг.


Святыни

В число святынь монастыря входят мощи следующих святых: Анастасии Римской, священномученика Харалампия, мученицы Иулитты, бессребренников Космы и Дамиана, глава мученика Кирика, глава святителя Григория Назианзина Старшего, глава святой Фотинии и других.


Молитвы

Преподобномученица Анастасия Римляныня, Солунская (Фессалоникийская)

Тропарь, глас 4

Агница Твоя, Иисусе, Анастасия/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя,/ с любовию пожершуюся Тебе.// Тоя молитвами яко Милостив спаси души наша.

Кондак, глас 3

Девства водами очищенна, преподобная,/ мученичества кровьми, Анастасие, венчавшися,/ подаеши сущим в нуждах недугов исцеление и спасение,/ приступающим от сердца,/ крепость бо тебе подает Христос,// источая благодать приснотекущую.

Молитва

Девственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще бо чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом, но не хощем во гресех наших умрети и, на твоя мужеския подвиги взирающе, паки на одоление страстей наших ополчаемся. Сие же ведуще, яко кроме благодатныя помощи ничто же благое сотворити возможем, тую нам от Господа подати тебе просим. Ты бо, преподобномученице преславная, велие ко Владыце дерзновение стяжала еси, яко прославившая Его в чистой душе твоея и в телеси твоем страдальчестем, зане вся прельщения и прещения мучителя презревши, искоренение же зубов и ногтей истерзание, и сосцев и рук и ног отсечение сладце претерпевши, дерзновенно вопияла еси: “Христос есть богатство мое и похвала”! Темже от того богатства и нашей нищете духовная подаждь дарования и от безмерных прегрешений живот наш соблюди, мир и безмятежие нам испроси, от нужды и уныния нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу, и твое теплое предстательство во веки веков. Аминь.


Мученица Иулитта Тарсийская

Тропарь мучеников Кирика и Иулитты, глас 8

Яко лоза благоплодная, Иулитто честная,/ грозд зрел принесла еси Цареви, всех Богу,/ сына твоего Кирика славнаго,/ мучением того богатно украсивши/ и твоею кровию навершивши,/ тем и дарова тебе Вышний возмездие в Вышних,/ идеже ликующе, помяните нас, мученицы терпеливодушнии.

Ин тропарь мучеников Кирика и Иулитты, глас 4

Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

Ин кондак мучеников Кирика и Иулитты, глас 2

Жертва приятна, Богови приносима,/ и свидетель верен Христов являемь,/ с материю пострадал еси Иулиттою, Кириче славне,/ с неюже Христа Бога молити не престай о всех нас.

Кондак мучеников Кирика и Иулитты, глас 4

Во объятиих носящи христомученица Иулитта Кирика,/ на подвизе мужески веселящися, взываше:/ Христос есть мучеников похвала.

Молитва святым мученикам Кирику и Иулитте

О, двоице святая, страстотерпцы Христовы, преблаженне Кириче, в трилетнем возрасте пострадавый, с богомудрою материю Иулитою! Кровьми вашими, яко багряницею, украсившиися и Небесных чертогов и вечнующия славы сподобившиися, не забудите и нас, на земле сущих, но теплым ходатайством вашим пред Богом избавите всех нас от всякия скорби и болезни. Се бо, к честней иконе вашей благоговейно припадающе и лобызающе ю, мы, недостойнии и многогрешнии, к вам, яко к скорым помощником и теплым молитвенником нашим, прибегаем и с сокрушенным и смиренным духом вопием: не презрите моления нас, грешных, немощных, во многия беззакония впадших, но, яко благодатию Божиею венчаннии, очистите нас от недуг наших и испросите нам у Христа Бога нашего здравие душевное и телесное. Вы бо неоскудную благодать исцелений от Спаса нашего Иисуса Христа за веру вашу, мучениими запечатленную, прияли есте. Темже убо помозите всем, в лютых немощех лежащим и в человечестей помощи отчаявшимся, к вам же тепле с верою прибегающим, и исцеление тем подавайте неоскудно, всем же верным грехов оставление испросите, да славят дивнаго во святых Своих Господа Бога и Спаса нашего Иисуса Христа, и Пречистую Матерь Его, и ваше теплое заступление всегда, ныне и присно, и во веки веков. Аминь.


Бессребреник Косма и Дамиан Асийские

Тропарь, глас 8

Святии безсребреницы и чудотворцы, Космо и Дамиане,/ посетите немощи наша:// туне приясте, туне дадите нам.

Кондак, глас 2

Благодать приимше исцелений,/ простираете здравие сущим в нуждах,/ врачеве, чудотворцы преславнии,/ но вашим посещением ратников дерзости низложите,// мир исцеляюще чудесы.

Молитва

О, чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.


Мученик Кирик Тарсийский

Тропарь мучеников Кирика и Иулитты, глас 8

Яко лоза благоплодная, Иулитто честная,/ грозд зрел принесла еси Цареви, всех Богу,/ сына твоего Кирика славнаго,/ мучением того богатно украсивши/ и твоею кровию навершивши,/ тем и дарова тебе Вышний возмездие в Вышних,/ идеже ликующе, помяните нас, мученицы терпеливодушнии.

Ин тропарь мучеников Кирика и Иулитты, глас 4

Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

Ин кондак мучеников Кирика и Иулитты, глас 2

Жертва приятна, Богови приносима,/ и свидетель верен Христов являемь,/ с материю пострадал еси Иулиттою, Кириче славне,/ с неюже Христа Бога молити не престай о всех нас.

Кондак мучеников Кирика и Иулитты, глас 4

Во объятиих носящи христомученица Иулитта Кирика,/ на подвизе мужески веселящися, взываше:/ Христос есть мучеников похвала.

Молитва святым мученикам Кирику и Иулитте

О, двоице святая, страстотерпцы Христовы, преблаженне Кириче, в трилетнем возрасте пострадавый, с богомудрою материю Иулитою! Кровьми вашими, яко багряницею, украсившиися и Небесных чертогов и вечнующия славы сподобившиися, не забудите и нас, на земле сущих, но теплым ходатайством вашим пред Богом избавите всех нас от всякия скорби и болезни. Се бо, к честней иконе вашей благоговейно припадающе и лобызающе ю, мы, недостойнии и многогрешнии, к вам, яко к скорым помощником и теплым молитвенником нашим, прибегаем и с сокрушенным и смиренным духом вопием: не презрите моления нас, грешных, немощных, во многия беззакония впадших, но, яко благодатию Божиею венчаннии, очистите нас от недуг наших и испросите нам у Христа Бога нашего здравие душевное и телесное. Вы бо неоскудную благодать исцелений от Спаса нашего Иисуса Христа за веру вашу, мучениими запечатленную, прияли есте. Темже убо помозите всем, в лютых немощех лежащим и в человечестей помощи отчаявшимся, к вам же тепле с верою прибегающим, и исцеление тем подавайте неоскудно, всем же верным грехов оставление испросите, да славят дивнаго во святых Своих Господа Бога и Спаса нашего Иисуса Христа, и Пречистую Матерь Его, и ваше теплое заступление всегда, ныне и присно, и во веки веков. Аминь.


Мученица Фотина (Светлана) Самаряныня, Римская

Молитва 

О, святая мученица Фотино! Безмерно любовию ко Христу окрыляема, мужество, терпение и силу великю с находящимися с тобою сестрами, сыновьями и просвещенными тобою явила еси. Евангелие Христово с дерзновением проповедала, и явися тебе и всем, с тобою бывшим, Христос, и всех на предстоящия муки укрепил и угешил. В Рим пришедши и безбоязненно Христа исповедавши, в темницу заключена быша, и многия муки претерпеша, в колодезь брошена, душу свою Господу предала еси.

Услыши нас, святая Фотино, духовною красотою воссиявшая и людей непрестанно и неумолкаемо, в темнице и в городах, вере во Христа поучавшая. Внемли нам, взирая на нас грешных, и благодатию Христовою исцели болящих лихорадкою, да не окропит их дождь греховный, но в здравии душевном и телесном жизнь свою неослабно в добрых делах проведут и прославят Владыку всех, Отца щедрот, Бога Милостиваго, во все века. Аминь.


18. Эсфигмен (греч. Μονή Εσφιγμένου)

Один из афонских монастырей, занимающий в святогорской иерархии 18-е место. Находится в восточной части Афонского полуострова; утверждён Кинотом в X—XI веках.

Кафоликон (современное здание — начало XIX века) освящён во имя Вознесения Господня.

Братия считает себя пребывающей в юрисдикции Константинопольского патриархата.

Хотя монастырь был признан и утвержден в своём статусе Кинотом в X веке, он был построен намного раньше — в V веке императором Феодосием II при учредительстве его сестры Пульхерии. В нескольких сотнях метров от нынешней обители сохранились руины другого, «старого» Эсфигмену, датируемого археологами IV веком.

Преподобный Антоний Киево-Печерский принял монашеский постриг и подвизался в монастыре Эсфигмен, откуда принес на Русь традиции монашеского благочестия. Его келья с построенной над ней церковью во имя преподобного Антония возвышается на склоне одной из скал рядом с монастырем.

В XVI веке обитель два раза была уничтожена пиратами, но вновь восстановлена. В XIV веке настоятелем Эсфигмену был будущий святитель Григорий Палама. В XIX—XX вв. в обители сильно ощущалось русское присутствие: при поддержке русских Царей был построен новый Спасо-Вознесенский храм и несколько параэкклесий — малых храмов, расположенных внутри каре, окружающего монастырский двор.


Святыни

В обители бережно хранится множество мощей святых, например, стопа Марии Магдалины. Имеются ценные реликвии, такие как крест Пульхерии и мозаичная икона Спасителя VII века.


Молитвы

Равноапостольная Мария Магдалина, мироносица

Тропарь, глас 1

Христу, нас ради от Девы рождшемуся,/ честная Магдалино Марие, последовала еси,/ Того оправдания и законы хранящи./ Темже днесь всесвятую твою память празднующе,/ грехов разрешение// молитвами твоими приемлем.

Кондак, глас 3

Предстоящи, преславная, у Креста Спасова со иными многими,/ и Матери Господни состраждущи, и слезы точащи,/ сие в похвалу приношаше, глаголющи:/ что сие есть странное чудо?/ Содержай всю тварь пострадати изволи.// Слава державе Твоей.

Молитва

О святая мироносице и всехвальная равноапостольная Христова ученице Магдалино Марие! К тебе, яко верней и мощней о нас к Богу ходатаице, грешнии и недостойнии, ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, но благодатию Христовою явно тех свободилася еси, и нас молитвами твоими от сети бесовския избави, да выну во всем житии нашем делом, словом, мыслию и тайными помышлении сердец наших верно послужим единому Святому Владыце Богу, якоже Тому обещалися есмы. Ты паче всех благ земных сладчайшаго Господа Иисуса возлюбила еси и Тому чрез все житие добре последовала еси, Божественными учении Его и благодатию не токмо свою душу питающи, но и множество людей от тьмы языческия ко Христа чудному свету приводящи; то ведуще, просим тя: испроси нам у Христа Бога благодать просвещающую и освящающую, да, ею осеняеми, преуспеваем в вере и благочестии, в подвизех любве и самоотвержения, да неленостно тщимся служити ближним в их нуждах духовных и телесных, памятующе пример твоего человеколюбия. Ты, святая Марие, бодренно благодатию Божиею протекла еси житие на земли и мирно отшла еси во обители Небесныя, моли Христа Спаса, да молитвами твоими сподобит нас непреткновенно совершити странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на Небеси сподобимся и тамо с тобою и всеми святыми вкупе выну восхвалим Троицу Нераздельную, воспоим Едино Божество, Отца и Сына и Духа Всесвятаго, во веки веков. Аминь.


19. Пантелемонов монастырь (греч. Μονή Αγίου Παντελεήμονος), русский

Также известен как Россикон (греч. Ρωσσικόν) или Новый Руссик — один из 20 «правящих» монастырей на Святой Горе Афон в Греции. Традиционно считается «русским», хотя по составу насельников стал вполне русским лишь в последней четверти XIX века, когда перешёл под фактический контроль Российской Церкви и российского правительства (вплоть до начала Первой мировой войны).

Как и все прочие афонские монастыри, будучи патриаршей ставропигией, находится в прямой канонической юрисдикции Константинопольского Патриархата; насельники, по действующей с 1924 года Уставной Хартии Святой Горы, обязаны принимать гражданство Греческой Республики (даётся автоматически при поступлении в монастырь). В настоящее время занимает 19-е место в иерархии святогорских обителей.

По состоянию на 2006 год братия монастыря составляла около 50 монахов и послушников.


Святыни

Монастырь отмечен подвигами ряда русских насельников, наиболее известный из которых — старец Силуан, скончавшийся здесь в 1938 году.

Сокровище монастыря — библиотека, сильно пострадавшая во время пожара 1959 года, и несколько бесценных святынь, среди которых мощиСвятого Пантелеимона, стопа Андрея Первозванного, честная глава апостола Луки, мощи Иоанна Предтечи, апостолов: Петра, Филиппа, Фомы, Варфоломея и Варнавы; первомученика Стефана, Исаакия Далматского, Дионисия Ареопагита, бессребренников Космы и Дамиана, Кирилла Иерусалимского, Трифона и многих других. Здесь же находится чудотворная икона Божией Матери, именуемая «Иерусалимская», икона св. Иоанна Предтечи, древняя икона св. великомученика и целителя Пантелеймона и икона священномученика Харалампия.

Монастырская библиотека содержит более 20 000 книг и рукописей.

В XIX веке колокола монастыря считались самыми большими в Греции.


Молитвы

Преподобный Силуан Афонский

Тропарь, глас 2

Серафимския любве ко Господу пламенный ревнителю/ и Иеремии, о народе плачущему,/ усердный подражателю,/ всеблаженне отче Силуане,/ ты бо, зову Матере Господа Сил внемляй,/ змия греховнаго мужемудренно изрыгнул еси/ и в Гору Афонскую от суеты мира удалился еси,/ идеже в трудех и молитвах со слезами/ благодать Святаго Духа обильно стяжав,/ еюже сердца наша воспламени/ и с тобою умильно взывати укрепи:/ Господи мой, Жизне моя и Радосте Святая,// спаси мир и нас от всяких лютых.

Кондак, глас 2

Смиренномудрия исповедниче предивный/ и человеколюбия Духом Святым согреваемая доброто,/ Богу возлюбленне Силуане,/ о подвизе твоем Церковь Российская радуется,/ иноцы же Горы Афонския и вси христианстии людие,/ веселящеся, сыновнею любовию к Богу устремляются./ Егоже моли о нас, равноангельне боговедче,// во еже спастися нам, в горении любве тебе подражающим.

Молитва

О, предивный угодниче Божий, отче Силуане! По благодати, тебе от Бога данной, слезно молитися о всей вселенней, мертвых, живых и грядущих, не премолчи за нас ко Господу, к тебе усердно припадающих и твоего предстательства умильно просящих (имена). Подвигни, о, всеблаженне, на молитву Усердную Заступницу рода христианского, Преблагословенную Богородицу и Приснодеву Марию, чудно призвавшую тя быти верным делателем в Ея земном вертограде, идеже избранницы Божии о гресех наших милостива и долготерпелива быти Бога умоляют, во еже не помянута неправд и беззаконий наших, но по неизреченной благости Господа нашего Иисуса Христа ущедрити и спасти нас по велицей Его милости. Ей, угодниче Божий, с Преблагословенною Владычицею мира - Святейшею Игумениею Афона и святыми подвижниками Ея земнаго жребия испроси у святых святейшего Слова святей горе Афонской и боголюбивым пустынножителем ея от всех бед и наветов вражиих в мире сохранитися. Да Ангелы святыми от зол избавляеми и Духом Святым в вере и братолюбии укрепляеми, до скончания века о Единей, Святей, Соборней и Апостольстей Церкви молитвы творят и всем спасительный путь указуют, да Церковь Земная и Небесная непрестанно славословит Творца и Отца Светов, просвещающи и освещающи мир в вечной правде и благости Божией. Народом земли всей испроси благоденственное и мирное житие, дух смиренномудрия и братолюбия, добронравия и спасения, дух страха Божия. Да не злоба и беззаконие ожесточают сердца людския, могущие истребите любовь Божию в человецех и низвергнуть их в богопротивную вражду и братоубийство, но в силе Божественныя любве и правды, якоже на небеси и на земли да святится имя Божие, да будет воля Его святая в человецех, и да воцарится мир и Царствие Божие на земли. Такожде и земному Отечеству твоему - земли Российстей испроси, угодниче Божий, вожделенный мир и небесное благословение, во еже всемощным омофором Матере Божия покрываему, избавитися ему от глада, губительства, труса, огня, меча, нашествия иноплеменников и междоусобныя брани и от всех враг видимых и невидимых, и тако святейшим домом Преблагословенныя Богородицы до скончания века ему пребыти, Креста Животворящаго силою, и в любви Божией неоскудеваему утвердитися. Нам же всем, во тьму грехов погружаемым и покаяния тепла, ниже страха Божия не имущим и сице безмерно любящаго нас Господа непрестанно оскорбляющим, испроси, о, всеблаженне, у Всещедраго Бога нашего, да Своею Всесильною благодатию божественне посетит и оживотворит души наша, и всяку злобу и гордость житейскую, уныние и нерадение в сердцах наших да упразднит. Еще молимся, о еже и нам, благодатию Всесвятаго Духа укрепляемым и любовию Божию согреваемым, в человеколюбии и братолюбии, смиренномудренном сраспинании друг за друга и за всех, в правде Божией утвердитися и в благодатной любви Божией благонравно укрепитися, и сынолюбне Тому приближитися. Да тако, творяще Его всясвятую волю, во всяком благочестии и чистоте временнаго жития путь непостыдно прейдем и со всеми святыми Небеснаго Царствия и Его Агнчаго брака сподобимся. Ему же от всех земных и небесных да будет слава, честь и поклонение, со Безначальным Его Отцем, Пресвятым и Благим и Животворящим Его Духом, ныне и присно и во веки веков. Аминь.


Великомученик Пантелеимон целитель

Тропарь, глас 3

Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак, глас 5

Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Молитва

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмах почиваяй и данною ти свыше благодатию различные чудеса источаяй. Призри милостивым твоим оком на предстоящия люди и честней иконе умильно молящиеся и просящия от тебя целебныя помощи и заступления. Простри ко Господу Богу нашему теплые молитвы свои и испроси душам нашим оставление согрешений наших. С верою призываем имя твое, святый праведный Пантелеимоне. Яко ты приял еси благодать от Господа Бога - недуги отгоняти и страсти исцеляти. Тебя убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач. Напаствуемым - скорый покровитель. Очам недугующим - прозрения датель. В скорбях пребывающим - готовейший предстатель и исцелитель. Исходатайствуй всем вся, яже ко спасению полезная. Яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единого, в Троице Святой славимого, Отца и Сына, и Святаго Духа, ныне и присно, и во веки веков. Аминь.


Апостол Андрей Первозванный

Тропарь, глас 4

Яко апостолов первозванный/ и верховнаго сущий брат,/ Владыце всех, Андрее, молися/ мир вселенней даровати// и душам нашим велию милость.

Кондак, глас 2

Мужества тезоименитаго Богоглагольника/ и Церкве возследователя верховнаго,/ Петрова сродника восхвалим,/ занея коже древле сему, и ныне нам воззва:// приидите, обретохом Желаемаго.

Молитва

Первозванне апостоле Бога и Спаса нашего Иисуса Христа, Церкве последователю верховный, всехвальне Андрее, славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребываеши на Небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше еже ко Христу обращение, и не точию любиши, но и молиши о нас Бога, зря во Свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают; верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас, грешных; да якоже ты абие по гласу Господа, оставль мрежи своя, неуклонно ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.


Апостол от 70-ти Лука Евангелист

Тропарь, глас 5

Апостольских деяний сказателя/ и Евангелия Христова светла списателя,/ Луку препетаго,/ славна суща Христове Церкви,/ песньми священными святаго апостола похвалим,/ яко врача суща,/ человеческия немощи,/ естества недуги и язи душ исцеляюща// и молящася непрестанно за души наша.

Кондак, глас 2

Истиннаго благочестия проповедника/ и таин неизреченных ритора,/ звезду церковную, Луку Божественнаго восхвалим:/ Слово бо его избра, с Павлом мудрым языков учителя,// Един ведый сердечная.

Молитва

О, святый Луко, Богом избранный и Материю Божиею благословенный, проповедниче по всей вселенней Евангелия Христова, мучениче и Апостоле, помощниче всем молитвенно призывающим тя, помози и нам, непотребным рабом Господним, яко мы по многим прегрешениям нашим обретаемся во тьме и сени смертней, отдалече от Бога отстоя. Чрез то стыдом посрамленные не имамы дерзновения Господа молити о прощении, призываем тя, великий светильниче Божий, яко пребывающаго в непреходящем Его свете, моли о нас Господа, да помилует нас.

Умоли Господа, святый Луко, да обновит в нас страх Господень, онже любы привлекает, а грех отгоняет. Яко мы тако навыкли грешити по всях день и час, и во сне, яко не вемы слов Господа: бдите, яко не знаете часа, егда хочу приити, Он же может на всяк час призвати нас из сего привременного живота в вечный. Пробуди в нас, святый Луко, страх и премудрость, о нихже святый царь и псалмопевец Давид рече. Да твоими молитвами получим покаяния слезы, имиже вси наши души от греха очистятся. Яко мы в духовной слепоте и дебелости суще не можем плакатися своего мертвеца, сиречь самих себе, многи же слезы, потоки слез потребно да пролием за множество содеянных грехов.

Помози нам, неразумным, да уразумеем Писание, еже ты сам списал еси, яко истинным разумом уразумеем истинная словеса, да бежим от греха, яко от огня, и вси силы приложим, да приблизит ны Бог. Да уразумеем, яко грех есть смерть, Бог же живот. Помози нам, святый Луко, да то уразумевше, очистимся от греха и прейдем из смерти в живот. Да будет нам Бог вся во всем. И ныне и во веки да пребудем близ Него. Дабы и нам, яко ти с Клеопою, егда путешествовали во Еммаус, сердце и душа трепетны быша от присутствия Его. Отнюдуже да снидет на ны мир небесный, к Царствию Небесному ны руководящий и радостны ны творящий, да возможем стрелы лукаваго, на всяк час в нас испущаемы, отгнати. С тем же получим и любы Божия, да руководит нас к вечному Отечеству, идеже вси силы небесные, вси святии, Мати Божия пред ними, Еяже благой лик в иконе тобою написанной, увековечен еси. Очи сердец наших да непрестанно взирают на ту лепоту и ею наслаждаются, да царит в нас Царство Небесное, в кое чаем молитвами твоими, святый Луко, преселитися, егда нас Господь призовет, да тамо вечно славим Бога во Святей Троице: Безначальнаго Отца, Единороднаго Сына и Пресвятаго Духа, во все бесконечные веки. Аминь.


Пророк Предтеча и Креститель Господень Иоанн

Тропарь Рождеству Иоанну Предтече, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством,// и воплощение Сына Божия мирови проповедуется.

Кондак Предтечи, глас 6

Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.

Кондак Предтечи, глас 6

Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.

Кондак Предтечи, глас 5

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Кондак Предтечи, глас 1

Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.

Молитва

Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.


Апостол Петр

Тропарь, глас 4

Рима не оставль, к нам пришел еси/ честными веригами, яже носил еси, апостолов первопрестольне./ Имже верою покланяющеся, молимся:/ твоими к Богу молитвами// даруй нам велию милость.

Кондак, глас 2

Верховнаго и перваго апостолов,/ истины Божественнаго ученика,/ Петра великаго восхвалим/ и того верою целуем вериги,// прегрешений разрешение приемлюще.

Молитва

О святый Петре, великий апостоле, самовидче и сотаинниче Божий, всемощною десницею Учителя твоего приятый из вод волнующихся и крайняго потопления свобождшийся! Не забуди и нас, убогих, в тине греховной увязших и волнами житейскаго моря заливаемых, подаждь нам твою руку крепкую, помози нам и удержи нас от потопления в страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, пролияти слезу покаяния, да плачемся горько деяний наших в веце сем. И аще твою слезу, в покаяние излиянную, милостию Своею покры Господь и Учитель твой, испроси и нам, с дерзновением апостольским, прощения в буести нашей ежечаснаго от Христа отречения. Град сей, ко святым стопам твоим поверженный, сохрани и от прилучающихся козней лукавых врага спасения нашего огради; воздвигни твои преподобнии руце ко Господу за народ наш, да тихое и безмолвное житие поживем в веце сем до часа, в онь же имать призвати нас Владыка Господь, наш Судия неумытный. Ты же, о всехвальный апостоле, не отвергни вопля нашего и стенаний к тебе о заступлении нас пред Христом, да выну славим Его милосердие к нам со Отцем и Святым Духом. Аминь.


Апостол Филипп

Тропарь, глас 3

Благоукрашается вселенная,/ Ефиопия ликовствует,/ яко венцем красуема,/ тобою просветившися,/ светло торжествует память твою,/ богоглаголиве Филиппе,/ вся бо веровати Христу научил еси/ и течение совершил достойно Евангелия./ Тем дерзновенно варит Ефиопская рука к Богу,// Егоже моли даровати нам велию милость.

Кондак, глас 8

Ученик и друг Твой и подражатель страсти Твоея,/ вселенней Бога Тя проповеда богоглаголивый Филипп;/ того молитвами от врагов пребеззаконных/ Церковь Твою и всяк град Твой// Богородицею соблюди, Многомилостиве.

Молитва

О, святый апостоле Христов Филлипе! Молим тя: сохрани и соблюди нас молитвами твоими от искушений диавольских и падений греховных и испроси нам, рабам Божиим (имена), свыше помощь во время уныния, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца и Сына и Святаго Духа во веки веков.


Апостол Фома

Тропарь, глас 2

Ученик Христов быв,/ Божественнаго собора апостольскаго сопричастник,/ неверствием бо Христово Воскресение известив/ и Того пречистую страсть осязанием уверив,/ Фомо всехвальне,// и ныне нам проси мира и велия милости.

Кондак, глас 4

Премудрости благодати исполнен,/ Христов апостол/ и служитель истинный/ в покаянии вопияше Тебе:// Ты мой еси Бог же и Господь.

Молитва

О, святый апостоле Христов Фомо! Молим тя: сохрани и соблюди нас молитвами твоими от искушений диавольских и падений греховных и испроси нам, рабам Божиим (имена), свыше помощь во время неверия, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем суде Христове; да прославим великолепое имя Отца и Сына и Святаго Духа, во веки веков.


Апостол Варфоломей (Нафанаил)

Тропарь, глас 3

Апостоле святый Варфоломее, моли Милостиваго Бога, да прегрешений оставление подаст душам нашим.

Кондак, глас 4

Явился еси великое солнце вселенней/ учений сияньми и чудес страшных,/ световодя почитающия тя,/ Варфоломее,// Господень апостоле.

Молитва

О, преславный Апостоле Христов Варфоломее, душу за Христа предавший и кровию твоею пажить Его удобривший! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков. Аминь.


Апостол от 70-ти Варнава (Иосия), епископ

Тропарь, глас 3

Апостоли святии,/ молите Милостиваго Бога,/ да прегрешений оставление// подаст душам нашим.

Кондак, глас 3

Господень был еси всеистинный служитель,/ апостолов же явился еси седмидесятих первый,/ озарил еси и с Павлом проповедь твою,/ всем возвещаяй Христа Спаса,/ сего ради песнопении// Божественную память твою, Варнаво, совершаем.


Апостол от 70-ти Стефан, первомученик, архидиакон

Тропарь, глас 4

Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.

Ин тропарь, глас 3

Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.

Тропарь, глас 4

Подвигом добрым подвизался еси,/ первомучениче Христов, и апостоле, и архидиаконе Стефане,/ и мучителей обличил еси нечестие,/ камением бо побиен от рук беззаконных,/ венец от яже свыше десницы приял еси/ и к Богу взывал еси, вопия:// Господи, не постави им греха сего.

Кондак, глас 6

Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.

Кондак, глас 3

Владыка вчера нам плотию прихождаше,/ и раб днесь от плоти исхождаше,/ вчера Царствуяй плотию родися,/ днесь раб камением побивается,/ того ради и скончавается,// первомученик и Божественный Стефан.

Молитва

Первый во диаконех, первый и в мученицех показался еси, святый Стефане, апостоле, исполнь бо веры и силы во учении и в знамениих велик явился еси, и никтоже возможе противустати премудрости и духу, имиже глаголал еси, лице же твое на сонмищи видено бысть, яко лице ангела. Темже, исполнен Святаго Духа быв, видел еси отверстое небо и славу Божию и Сына человеча, Господа нашего Иисуса Христа, одесную стояща Бога Отца. Таже и от жестоковыйных и убийц иудеев камением пред лицем Преблагословенныя и молящияся о тебе Девы, Матере Его, побиваемь, преклонь колена, возопил еси гласом велиим: Господи, не постави им греха сего! И тако дух твой Господу Иисусу радостно предал еси. Сего ради молитвенника и предстателя тя стяжахом, колена души и сердца нашего преклоньше, тя молим: воздежи руце твои ко Господу, и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию и твоим предстательством и заступлением Пресвятыя Матере Своея в день он, страшный и праведный, да не поставит пред нами грехи наша, но по щедротам Своим, тобою умолен быв, да речет души нашей: спасение ваше есмь Аз во веки веков. Аминь.


Преподобный Исаакий Далматский, игумен

Тропарь, гл 8

В тебе отче, известно спасеся еже по образу приим бо крест, последовал еси Христу, и дея учил еси презирати убо плоть, преходит бо: прилежати же о души, вещи безсмертней: тем же и со Ангелы срадуется, преподобне Исаакие, дух твой.

Кондак, глас 2

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Исаакие, моли непрестанно о всех нас.

Кондак, глас 8

Яко угодник Божий верный,/ по Христове Церкви ревностию разжегся,/ бразды Валентовы удержав,/ пророчески тому о затворении Церкве пагубную смерть предрекл еси, преподобне./ Темже присно моли о нас, чтущих тя, Исаакие преподобне.


Апостол от 70-ти Дионисий Ареопагит, Афинский, епископ

Тропарь, глас 4

Благости научився и трезвяся во всех,/ благою совестию священнолепно оболкся,/ почерпл еси от сосуда избраннаго неизреченная/ и, веру соблюд, равное течение совершил еси,/ священномучениче Дионисие,/ моли Христа Бога// спастися душам нашим.

Кондак, глас 8

Небесная врата прошед духом, яко ученик/ до третияго Небесе достигшаго апостола, Дионисие,/ неизреченных обогатился еси всяким разумом/ и озарил еси во тьме неведения седящия./ Темже зовем:// радуйся, отче всемирный.


Бессребреник Косма и Дамиан Асийские

Тропарь, глас 8

Святии безсребреницы и чудотворцы, Космо и Дамиане,/ посетите немощи наша:// туне приясте, туне дадите нам.

Кондак, глас 2

Благодать приимше исцелений,/ простираете здравие сущим в нуждах,/ врачеве, чудотворцы преславнии,/ но вашим посещением ратников дерзости низложите,// мир исцеляюще чудесы.

Молитва

О, чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.


Святитель Кирилл Иерусалимский, архиепископ

Кондак, глас 4

Языком твоим, мудре,/ Божественными вдохновеньми просветил еси твоя люди/ едину чести Троицу,/ Естеством нераздельну, разделяему же Лицы./ Темже, радующеся, всесвятую твою память празднуем,/ иже к Богу молитвенника тя предлагающий.


Икона Богородицы Иерусалимская

Тропарь, глас 4

Богорадованная Владычице,/ препрославленная Мати щедрот и человеколюбия,/ всемилостивая о всем мире Ходатаице!/ Прилежно раби Твои ко Твоему предстательству прибегаем,/ и ко пречудному образу Твоему со умилением, припадающе, молимся:/ молитву теплую Сыну Твоему и Богу нашему сотвори,/ о, Всепетая Царице Богородице,/ да от всяких болезней и печалей нас Тебе ради избавит,/ и от грехов всяких свободив,/ Царствия Своего Небеснаго наследники ны покажет:/ велие бо и неизреченное яко Мати к Нему дерзновение имаши/ и вся от Него испросити можеши,/ Едина во веки преблагословенная.

Ин тропарь, глас 3

Твоего предстательства уверение/ и милосердия Твоего явление/ икона Иерусалимская нам, Владычице, показася/ пред нею же души наша в молитве изливаем/ и верою Тебе вопием:/ воззри, Милосердая, на люди Твоя,/ вся скорби наша и печали утоли,/ утешение благое в сердца наша низпосли/ и спасение вечное душам нашим, Пречистая, испроси.

Кондак, глас 5

Не отрини, о, Милосердая Мати,/ слез и воздыханий наших,/ но прошения наша милостивно приимши,/ пред Иерусалимскою иконою Твоею/ молящихся людей веру укрепи,/ умилением сердца их исполни,/ и крест земнаго жития нести им помози,/ елика бо хощеши можеши.

Молитва

Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Своя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь.


20. Констамонит (греч. Μονή Κωνσταμονίτου)

Православный греческий монастырь на Святой Горе Афон, освящён во имя Стефана Первомученика. Основан в XI веке, двадцатый в иерархии афонских монастырей. Находится в северо-западной части Афонского полуострова, в 2 км от моря.

В монастыре живут 30 монахов.

Библиотека монастыря содержит 110 рукописей и 5000 печатных книг.


Святыни

Среди святынь монастыря числятся: Смоленская икона Божией Матери, именуемая «Одигитрия», что значит «Путеводительница"; чудотворная икона "Антифонитрия" и святая икона первомученика Стефана, который пришел на Святей Афон из Палестины в период иконоборчества.


Молитвы

Икона Богородицы «Одигитрия» Смоленская

Тропарь, глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Кондак, глас 6

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти:/ ускори на молитву и потщися на умоление,// предстательствующи присно, Богородице, чтущих Тя.

Ин, глас 6

Не имамы иныя помощи,/ не имамы иныя надежды,/ разве Тебе, Владычице,/ Ты нам помози,/ на Тебе надеемся/ и Тобою хвалимся,/ Твои бо есмы раби,/ да не постыдимся.

Молитва

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой услышит и воздыхание приимет, аще не Ты, Пренепорочная, Надеждо христиан и Прибежище нам, грешным? Кто паче Тебе в несчастиих защитит? Услыши стенание мое и приклони ухо Твое ко мне, Владычице и Мати Бога моего. Не презри ищущаго Твоея помощи и не отрини мене грешнаго, Царице Небесная! Научи мене исполняти волю Сына Твоего и даруй желание всегда следовати Его святым заповедем. За мой ропот в болезнях, трудах и несчастиях не отступи от мене, но буди Материю и Покровительницею мене малодушнаго, Царице моя Преблагая, Заступнице Усердная! Твоим ходатайством прегрешения моя покрый, от видимых и невидимых врагов защити, сердца враждующих против мене смягчи и Христовою любовию согрей их. Мне же немощному даруй Твою всесильную помощь победити моя греховныя привычки, дабы, очищенный покаянием и последующею добродетельною жизнию, в общении со Святою Церковью провел остальныя дни земнаго странствия. Предстани мне, Надеждо всех христиан, в час кончины моея и подкрепи мою веру в смертный тяжкий час. Вознеси за мене, многопрегрешающаго в жизни сей, Твоя всесильныя молитвы по отшествии моем, да оправдает мене Господь и соделает причастником Его бесконечных радостей. Аминь.


Апостол от 70-ти Стефан, первомученик, архидиакон

Тропарь, глас 4

Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.

Ин тропарь, глас 3

Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.

Кондак, глас 6

Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.

Молитва

Первый во диаконех, первый и в мученицех показался еси, святый Стефане, апостоле, исполнь бо веры и силы во учении и в знамениих велик явился еси, и никтоже возможе противустати премудрости и духу, имиже глаголал еси, лице же твое на сонмищи видено бысть, яко лице ангела. Темже, исполнен Святаго Духа быв, видел еси отверстое небо и славу Божию и Сына человеча, Господа нашего Иисуса Христа, одесную стояща Бога Отца. Таже и от жестоковыйных и убийц иудеев камением пред лицем Преблагословенныя и молящияся о тебе Девы, Матере Его, побиваемь, преклонь колена, возопил еси гласом велиим: Господи, не постави им греха сего! И тако дух твой Господу Иисусу радостно предал еси. Сего ради молитвенника и предстателя тя стяжахом, колена души и сердца нашего преклоньше, тя молим: воздежи руце твои ко Господу, и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию и твоим предстательством и заступлением Пресвятыя Матере Своея в день он, страшный и праведный, да не поставит пред нами грехи наша, но по щедротам Своим, тобою умолен быв, да речет души нашей: спасение ваше есмь Аз во веки веков. Аминь.


Карея (греч. Καρυές)

Карье́, Карье́с или Каре́я   — административный центр Святой Горы Афон в Греции. Здесь находятся Протат и местная светская администрация.

Население 233 чел. (2001). Проживают только мужчины, многие из которых монахи. Расположен в центре полуострова на высоте 370 м над уровнем моря. 

История восходит к X веку. Первоначально Карея была отдельным монашеским поселением и с самого начала была торговым и ремесленным центром Афона.

В начале 1280-х, в царствование византийского императора Михаила Палеолога, латинские крестоносцы напали на Святую Гору. Они подвергли пыткам Прота, которого повесили, и разграбили Протат, умертвив многих монахов. Погибшие прославлены как мученики 5 декабря (по юлианскому календарю) — преподобномученики Карейские. 

Перепись населения Греции в 2001 году зарегистрировала 233 жителя. Карье является крупнейшим поселением на горе Афон.

Для руководства монашеским сообществом от 19-и «правящих» монастырей (из двадцати существующих; Эсфигмен с 1974 года пребывает в схизме) избираются местные органы самоуправления: Священная Эпистасия и Священный Кинот, а также президент — Прот.

В Карье находится 19 представительств правящих монастырей (кроме Кутлумуша — ввиду его близости к Карье) — подворий антипросопов, именуемых «конаками».


Святыни

Главным храмом Карье служит собор Протата освященный в честь Успения Богородицы. Здесь хранится особо почитаемая икона Богородицы «Достойно есть». 


Молитвы

Икона Богородицы «Достойно есть» (Милующая)

Тропарь, глас 4

Oтцев все Афонское множество,/ соберитеся, верно празднующе,/ днесь радующеся и светло восклицающе вси в веселии,/ Божия бо Мати ныне от Ангела преславно воспевается./ Темже, яко Богородицу, присно Сию славим.

Ин тропарь, глас 4

Притецем, вернии, со дерзновением/ к Милующей Царице Богородице/ и умиленно воззовем к Ней:/ низпосли на ны милости Твоя богатыя:/ град сей избави от всякаго обстояния,/ мир даруй мирови/ и спасение душам нашим.

Кондак, глас 4

Празднует днесь весь Афон,/ яко песнь прият от Ангела чудно/ Тебе, Чистей Богоматери,/ Юже вся тварь чтит, славящи.

Ин кондак, глас 8

Архангельский глас вопием Ти, Всецарице:/ достойно есть, яко воистинну,/ блажити Тя, Богородицу,/ Присноблаженную и Пренепорочную/ и Матерь Бога нашего.

Величание

Достойно есть величати Тя, Богородице, Честнейшую Херувим и Славнейшую без сравнения Серафим.

Молитва

О пресвятая и премилостивая Владычице Богородице! Припадающе к святей иконе Твоей, смиренно молимся Тебе: вонми гласу моления нашего, виждь скорби, виждь беды наша и, яко любвеобильная Мати, потщися на помощь нам безпомощным, умоли Сына Твоего и Бога нашего, да не погубит нас за беззакония наша, но явит нам человеколюбно Свою милость. Испроси нам, Владычице, у благости Его телесное здравие и душевное спасение, и мирное житие, земли плодоносие, воздуха благорастворение, и благословение свыше на вся благая дела и начинания наша, православному воинству нашему на вся враги победу и одоление. И якоже древле призрела еси милостиво на смиренное славословие послушника афонскаго, воспевавшего Тя пред пречистою иконою Твоею, и послала еси к нему Ангела научити его пети песнь небесную, еюже славословят Тя Ангели, тако и ныне приими наше усердное молитвословие, Тебе приносимое. О Царице всепетая! Простри ко Господу богоноснеи Твои руце, имиже Богомладенца Иисуса Христа носила еси, и умоли Его избавити нас от всякаго зла. Яви, Владычице, Твою милость к нам: болящия исцели, скорбящия утеши, бедствующим помози и сподоби нас благочестно житие сие земное совершити, христианскую непостыдную кончину получити и Небесное Царствие наследити Матерним ходатайством Твоим к рождшемуся от Тебе Христу Богу нашему, Емуже со Безначальным Его Отцем и Пресвятым Духом подобает всякая слава, честь и поклонение ныне и присно, и во веки веков. Аминь.


Андреевский скит (греч. Σκήτη Αγίου Ανδρέα)

Общежительный скит близ Карье — административного центра Афона, в Греции. Является зависимым от греческого монастыря Ватопед.


Святыни

В Свято-Андреевском скиту хранятся мощи ап. Андрея Первозванного и чудотворная икона Богородицы «Скорбящих утешение», украшенная окладом с драгоценными камнями и находящаяся в алтаре кафоликон, от образа было совершено множество исцелений глухих и парализованных.


Молитвы

Апостол Андрей Первозванный

Тропарь, глас 4

Яко апостолов первозванный/ и верховнаго сущий брат,/ Владыце всех, Андрее, молися/ мир вселенней даровати// и душам нашим велию милость.

Кондак, глас 2

Мужества тезоименитаго Богоглагольника/ и Церкве возследователя верховнаго,/ Петрова сродника восхвалим,/ занея коже древле сему, и ныне нам воззва:// приидите, обретохом Желаемаго.

Молитва

Первозванне апостоле Бога и Спаса нашего Иисуса Христа, Церкве последователю верховный, всехвальне Андрее, славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребываеши на Небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше еже ко Христу обращение, и не точию любиши, но и молиши о нас Бога, зря во Свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают; верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас, грешных; да якоже ты абие по гласу Господа, оставль мрежи своя, неуклонно ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.


Икона Богородицы «В скорбех и печалех Утешение»

Тропарь, глас 5

Утоли болезни многовоздыхающия души моея, Утолившая всяку слезу от лица земли: Ты бо человеком болезни отгониши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.

Кондак, глас 6

Не ввери мя человеческому предстательству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну окаянный, всегда побеждаемь, и утешения не имам, разве Тебе, Владычице мира, упование и предстательство верных, не презри моление мое, полезно сотвори.

Молитва

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, Надеждо христиан и Прибежище нам, грешным? Кто паче Тебе в напастех защитит? Услыши убо стенание мое и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене, грешнаго. Вразуми и научи мя, Царице Небесная; не отступи от мене, раба Твоего, Владычице, за роптание мое, но буди мне Мати и Заступница. Вручаю себе милостивому покрову Твоему: приведи мя, грешнаго, к тихой и безмятежной жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О, Владычице, Царице Небесная! Ты мне упование и прибежище, покров и заступление и помощь. Царице моя Преблагая и скорая Заступнице, покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О, Мати Господа моего Творца! Ты еси корень девства и неувядаемый цвет чистоты. О, Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о, Пренепорочная и Преславная Божия Мати Марие. Темже со упованием глаголю и вопию: радуйся, Благодатная, радуйся, Обрадованная, радуйся, Преблагословенная, Господь с Тобою! Аминь.


Скит святой праведной Анны

Большой скит cвятой Анны — самый обширный скит на Афоне; основан не позднее XI века, расположен между Карулей и Новым Скитом в окружении множества келий и калив, утопающих в зелени оливковых и фруктовых рощ. Относится к монастырю Великая Лавра.


Святыни

Главная святыня скита – бережно сохраняемая стопа праведной Анны. Можно здесь помолиться и перед чудотворным образом родительницы Царицы Небесной, святая Анна имеет особую благодать предстательствовать за бесплодных супругов, страждущих младенцев.


Молитвы

Праведная Анна, мать Пресвятой Богородицы

Тропарь праведной Анны, глас 4

Жизнь рождшую во чреве носила еси, Чистую Богоматерь,/ богомудрая Анно./ Темже к приятию Небесному, идеже веселящихся жилище,/ в славе радующися, ныне преставилася еси,/ чтущим тя любовию/ прегрешений просящи очищение,// присноблаженная.

Кондак праведной Анны, глас 2

Прародителей Христовых память празднуем,/ тех верно просяще помощи,/ избавитися всем от всякия скорби, зовущим:// Бог наш с нами, сих прославлей, якоже благоволи.

Тропарь святых праведных Богоотец Иоакима и Анны, глас 2

Праведных Твоих, Господи, память празднующе,/ теми молим Тя:// спаси души наша.

Кондак святых праведных Богоотец Иоакима и Анны, глас 2

Радуется ныне Анна,/ неплодства разрешившися соуз,/ и питает Пречистую,/ созывающи вся воспети/ Даровавшаго от чрева ея человеком// едину Матерь и Неискусомужную.

Тропарь Зачатия праведной Анны, глас 4

Днесь безчадия узы разрешаются,/ Иоакима бо и Анну услышав, Бог/ паче надежды родити тем яве обещавает Богоотроковицу,/ из Неяже Сам родися Неописанный, Человек быв,/ Ангелом повелев вопити Ей:/ радуйся, Благодатная,// Господь с Тобою.

Кондак Зачатия праведной Анны, глас 4

Празднует днесь вселенная/ Аннино зачатие,/ бывшее от Бога,/ ибо та породи// паче слова Слово Рождшую.

Молитва святым праведным Иоакиму и Анне

О, приснославнии Христовы праведницы, святии Богоотцы Иоакиме и Анно, предстоящии небесному Престолу Великаго Царя и велие дерзновение к Нему имущии, яко от Преблагословенныя Дщери вашея, Пречистыя Богородицы и Приснодевы Марии, воплотитися изволившему, к вам, яко многомощным предстателем и усердным о нас молитвенникам, прибегаем мы, грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленныя прегрешения наша презрев, обратит нас на путь покаяния и на стезе заповедей Своих да утвердит нас. Таже молитвами вашими в мире живот наш сохраните и во всех благих благое поспешение испросите, вся яже к животу и благочестию потребная нам от Бога дарующе, от всяких напастей и бед и напрасныя смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже со Отцем и Пресвятым Духом подобает всякая слава, честь и поклонение во веки веков. Аминь.


Телефонный справочник 

(информация с сайта http://www.afonru.ru) 

код Греции 0030 


Телефоны Монастырей 


Паломническое бюро Святой горы Афон в Салониках 

(Agioritiki Estia, 109 Egnatioa str, 546 22 Thessaloniki, Greece) 

Салоники, ул. Эгнатиа, дом 109. 

Тел +(30-2310) 252579 

Часы работы 

Пн. – пт. 08.30 – 14.00, сб. 10.00-12.00. Закрыто по религиозным и официальным праздникам. 


УРАНОПОЛИС (поселок, откуда паром уходит на Афон) 

Телефон заказа билета на паром «Агиу Пантелеимон» («Святой Пантелеимон») или «Аксион Эстин» («Достойно есть») 

Тел +(30-23770) 71149 /21041 

Факс +(30-23770) 71016. 


Телефон парома «Агиа Анна» («Святая Анна») 

+(30) 6944982531 (мобильный), 6947819885


Телефон морского такси (быстроходный катер) 

+(30-23770) 71149 /21041 

+(30) 6974060747 (мобильный), +(30) 6974060745, +(30) 6974060744

◦ скоростной катер «Микра Агиа Анна»: тел.: 6995105105 (моб.) 

◦ круглосуточный катер-такси «Архангелос»: тел.: 6979110020 (моб.) 


Монастыри 

1. Великая Лавра. Тел. +(30-23770) 23754, 23785, 22586, 23760. Факс +(30-23770) 23766, 23761-2.

2. Ватопед. Тел. +(30-23770) 41488, 23219 (канцелярия отвечает на звонки с 09.00 до 13.00) Факс +(30-23770) 23781.

3. Иверский. Тел. +(30-23770) 23643(-4-5-6) (канцелярия отвечает на звонки с 12.00 до 14.00). Факс +(30-23770) 23248.

4. Хиландар. Тел. +(30-23770) 23797, 23760. Факс +(30-23770) 23108.

5. Дионисиат. Тел. +(30-23770) 23687(-9), 23237. Факс +(30-23770) 23686.

6. Кутлумуш. Тел. +(30-23770) 23226 (канцелярия отвечает на звонки с 12.00 до 14.30). Факс +(30-23770) 23731.

7. Пантократор. Тел. +(30-23770) 23880, 23253, 23684, 23792 (канцелярия отвечает на звонки с 12.00 до 14.00). Факс +(30-23770) 23685.

8. Ксиропотам. Тел. +(30-23770) 23251. Факс +(30-23770) 23733 (канцелярия отвечает на звонки с 12.00 до 14.00).

9. Зограф. Тел. +(30-23770) 23247.

10. Дохиар. Тел./факс +(30-23770) 23245.

11. Каракал. Тел. +(30-23770) 23225 (канцелярия отвечает на звонки с 12.00 до 14.00). Факс +(30-23770) 23764.

12. Филофей. Тел. +(30-23770) 23256. Факс +(30-23770) 23674 (канцелярия отвечает на звонки с 12.00 до 15.00) .

13. Симонопетра. Тел. +(30-23770) 23254. Факс +(30-23770) 23722, 23707 (канцелярия отвечает на звонки с 13.00 до 15.00).

14. Св. Павла. Тел. +(30-23770) 23741, 23250, 23609. Факс +(30-23770) 23355 (канцелярия отвечает на звонки с 10.00 до 12.30).

15. Ставроникита. Тел./факс +(30-23770) 23255, 23908 (канцелярия отвечает на звонки с 12:00 до 14:00).

16. Ксенофонт. Тел. +(30-23770) 23249, 23630(-3) (канцелярия отвечает на звонки с 9.00 до 14.00). Факс +(30-23770) 23631, 23660.

17. Григориат. Тел. +(30-23770) 23218, 23668(-69, -70) (канцелярия отвечает а звонки с 11.00 до 13.00). Факс +(30-23770) 23671 (канцелярия отвечает на звонки с 11.00 до 13.00).

18. Эсфигмен. Тел. +(30-23770) 23229, 23796, 23282. Факс +(30-23770) 23937.

19. Св. Пантелеимона (Русский на Афоне Свято-Пантелеимонов монастырь). Тел./факс +(30-23770) 23252 (канцелярия отвечает на звонки с 10.00 до 12.00).

20. Костамонит (Констамонит). Тел. +(30-23770) 23228. Факс +(30-23770) 23901.


Наиболее известные скиты и кельи 

Скит Продромос (Иоанна Предтечи) монастыря Великая Лавра. Тел. +(30-23770) 23294.

Скит Святой Анны монастыря Великая Лавра. Тел. +(30-23770) 23320.

Скит Кафсокаливия монастыря Великая Лавра. Тел. +(30-23770) 23319.

Скит Керасья монастыря Великая Лавра. Тел. +(30-23770) 23218.

Скит Катунаки монастыря Великая Лавра. Тел. +(30-23770) 23368.

Келья Провата (Св. Евангелиста Иоанна Богослова) монастыря Великая Лавра. Тел. +(30-23770) – 23777, 23216.

Малый скит Святой Анны монастыря Великая лавра. Тел. +(30-23770) 23321.

Новый скит монастыря Святого Павла. Тел. +(30-23770) 23572, 23251, 23629 (канцелярия отвечает на звонки с 08.00 до 13.30).

Скит Богородицы (Ксилургу) Русского Свято-Пантелеимонова монастыря. Своего телефона нет. Тел./факс монастыря +(30-23770) 23252.

Скит Старый Русик Русского Свято-Пантелеимонова монастыря. Своего телефона нет. Тел./факс монастыря +(30-23770) 23252.

Скит Иверского монастыря. Тел. +(30-23770) 23296.

Скит Святого Димитрия монастыря Ватопед. Тел. +(30-23770) 23303.

Скит Святого Андрея Первозванного (Андреевский скит) монастыря Ватопед. Бывший русский скит. Тел. +(30-23770) 23341.

Скит Святого Пантелеимона монастыря Кутлумуш. Тел. +(30-23770) 23359.

Скит Пророка Илии (Ильинский скит) монастыря Пантократор. Бывший русский скит. Тел. +(30-23770) 23304.

Благовещенский скит монастыря Ксенофонт. Тел. +(30-23770) 23301.

Скит Буразери (называемый также в просторечии русских паломников Белозерка) монастыря Хиландар. Бывший русский скит. Тел/Факс +(30-23770) 23202.

 

Гражданские службы

  

Гражданский губернатор Афона – +(30-23770) 23230 

Врач – +(30-23770) 23217 

Полиция – +(30-23770) 23212 

Почта – +(30-23770) 23214. 

Порт Дафни Администрация порта – +(30-23770) 23300, 24100. 

Полиция – +(30-23770) 23222 

Почта - +(30-23770) 23297.


Адрес для писем на Святую Гору 

IERA MONI (название обители) 

GR 63086 KARIES AGION OROS 

GREECE 


Краткий разговорник


Б 

благодарю вас – сас эвхаристо́ 

благословите – эвлоги́тэ 

большое – мэга́ло 

большое спасибо – эвхаристо́ поли́ 

В 

вверх – па́но 

вечер – вра́ди 

влево – аристэра́ 

вниз, внизу – ка́то 

вода – нэро́ 

вперёд – эмбро́с 

вправо – дексиа́ 

вчера – хфэ́с 

вы – эси́с 

Г 

год – хро́нос, э́тос 

господин – ки́риос 

гостиница – архондари́ки 

Д 

да – нэ; ма́листа 

день – имэ́ра 

доброе утро – калимэ́ра 

добрый вечер – калиспэ́ра 

дорога – дро́мос 

до свидания – я́су (я́сас) 

друг – фи́лос 

душ – дус 

Е 

есть (питаться) – тро́о 

ехать – пигэ́но 

З 

завтра – а́врио 

здесь – эдо́ 

здравствуй(те) – я́су (я́сас) 

И 

извините – сигно́ми 

К 

конец – те́лос 

кто там ? – пьо́с и́нэ ? 

куда вы едете? – пу па́тэ? 

Л 

ладно – энда́кси 

М 

магазин – магази́ 

маленькое – микро́ 

много – поли́ 

можно войти ? – боро́ на бо ? 

мы – эми́с 

Н 

наверху – эпа́но 

назад – пи́со 

налево – аристэра́ 

направо – дэксиа́ 

небо – урано́с 

не понимаю – дэн каталавэ́но 

нет – о́хи 

низ – ка́то 

О 

он – афти́ 

они (муж.р.) – афты́ 

осторожно – просэ́хетэ 

отец – пате́рас 

очень – поли́ 

очень приятно – хе́ро поли́ 

П 

пить – пи́но 

пища – фагито́ 

плохо – а́схима 

пожалуйста (просьба) – паракало́ 

пожалуйста (разрешение) – ори́стэ 

помогите мне – воифи́стэ мэ 

пристань – лима́ни; арсана́с 

приложиться (к святыне) – проскини́со 

простите – мэ синхори́тэ 

прямо – броста́ 

С 

святые мощи – а́гиа ли́псана 

сегодня – си́мэра 

сейчас – то́ра 

сколько ? – по́со ? 

спасибо – эвхаристо́ 

спать – кима́мэ 

спокойной ночи – калини́хта 

справа – дэксиа́ 

Т 

телефон – тиле́фоно 

тропинка – монопа́ти 

ты – эси́ 

У 

утро – прои́ 

Х 

хлеб – псоми́ 

холод, холодная – кри́о 

хорошо – кала́ 

Я 

я – эго́ 

я не говорю по-гречески – дэ мила́о элинка́ 

я не понимаю – дэн каталавэ́но 

я из России – и́мэ апо тин Роси́а 

я заблудился – ха́фика 

я хочу завтра причаститься – фэ́ло а́врио на кинони́со 

Числа 

0 – мидэ́н 

1 – э́на 

2 – ди́о 

3 – три́а 

4 – тэ́ссэра 

5 – пэ́ндэ 

6 – э́кси 

7 – эфта́ 

8 – окто́ 

9 – энэ́а 

10 – дэ́ка 

11 – э́ндэка 

12 – до́дэка 

13 – дэкатри́а 

14 – дэкатэ́ссэра 

15 – дэкапэ́ндэ 




Сообщить об ошибке

Контактная информация
  • mo@infomissia.ru
  • http://infomissia.ru

Миссионерский отдел Московской Епархии

Все материалы, размещенные в электронной библиотеке, являются интеллектуальной собственностью. Любое использование информации должно осуществляться в соответствии с российским законодательством и международными договорами РФ. Информация размещена для использования только в личных культурно-просветительских целях. Копирование и иное распространение информации в коммерческих и некоммерческих целях допускается только с согласия автора или правообладателя

 


Создание сайта: studio.hamburg-hram.de